پسے دل اس کی چتون پر ہزاروں — حیدر علی آتش
شاعر
پسے دل اس کی چتون پر ہزاروں
پسے دل اس کی چتون پر ہزاروں
موے بے ساختہ پن پر ہزاروں
مری ضد سے ہوا ہے مہرباں دوست
مرے احساں ہیں دشمن پر ہزاروں
براے شکر قاتل رونگٹوں سے
زبانیں ہیں مرے تن پر ہزاروں
نہ اٹکھیلی سے چل ہوتے ہیں صدمے
دل شیخ و برہمن پر ہزاروں
ہوا سر خم نہ زیر تیغ جلاد
رہے بوجھ اپنی گردن پر ہزاروں
ترے کشتہ ہیں ہم آنکھیں ملیں گے
ہمارے سنگ مدفن پر ہزاروں
نہ مل اے لعبت چین عطر گل زار
گلا کاٹیں گے گلشن پر ہزاروں
نہیں اک مرد کو دنیا سے مطلب
مریں نامرد اس زن پر ہزاروں
عجب کیا ہے اگر پروانے بے شمع
جلیں آتشؔ کے مدفن پر ہزاروں
Pa-e-dil us kī chatūn par hazārōñ
Pa-e-dil us kī chatūn par hazārōñ
Mū-e-be-sāḳhta pan par hazārōñ
Mirī zid se huā hai mehrbāñ dost
Mere ehsāñ haiñ dushman par hazārōñ
Barā-e-shukr-e-qātil rauñgṭōñ se
Zabāneñ haiñ mere tan par hazārōñ
Na aṭkhelī se chal hote haiñ sadme
Dil-e-shaiḳh o barahman par hazārōñ
Huā sar ḳham na zīr-e-tegh-e-jallād
Rahe bojh apnī gardan par hazārōñ
Tere kushta haiñ ham āñkheñ mileñ ge
Hamāre sañg-e-madfan par hazārōñ
Na mil ai la'bat-e-chīn atr-e-gulzār
Galā kāṭeñ ge gulshan par hazārōñ
Nahīñ ik mard ko dunyā se matlab
Mareñ nā-mard us zan par hazārōñ
Ajab kyā hai agar parvāne be-sham'
Jaleñ Aatish ke madfan par hazārōñ
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں