برق کو اس پر عبث گرنے کی ہیں تیاریاں — حیدر علی آتش
شاعر
برق کو اس پر عبث گرنے کی ہیں تیاریاں
برق کو اس پر عبث گرنے کی ہیں تیاریاں
برگ گل ہی آشیاں کو اپنے ہے چنگاریاں
عہد طفلی میں بھی تھا میں بسکہ سودائی مزاج
بیڑیاں منت کی بھی پہنیں تو میں نے بھاریاں
موت کے آتے ہی ہم کو خود بخود نیند آ گئی
کیا اسی کی یاد میں کرتے تھے شب بیداریاں
اے خط اس کے گورے گالوں پر یہ تو نے کیا کیا
چاندنی راتیں یکایک ہو گئیں اندھیاریاں
خندۂ گل سے صدائے نالہ آتی ہے مجھے
خون بلبل سے مگر سینچی گئی ہیں کیاریاں
خاک کا پتلا بھی آہن سے ہے سختی میں فزوں
جسم پر انساں کے تلواریں ہوئی ہیں آریاں
خوف خالق ہے وگرنہ محتسب کیا مال ہے
خانۂ قاضی میں جا کر کیجئے مے خواریاں
کچھ ہمیں خالی نہیں کرتے ہیں یہ دیر خراب
پھر گئے ہیں یار یوں ہی اپنی اپنی باریاں
حکم کر آتشؔ کہ بازار محبت بند ہو
اب کریں ٹٹپوجئے گرم اپنی دوکاں داریاں
Barq ko is par abas girne kī haiñ tayyāriyāñ
Barq ko is par abas girne kī haiñ tayyāriyāñ
Barg-e-gul hī āshiyāñ ko apne hai chiñgāriyāñ
Ahd-e-tiflī meñ bhī thā maiñ bas ki sauda.ī-mizāj
Beṛiyāñ minnat kī bhī pahnīñ to maiñ ne bhāriyāñ
Maut ke aate hī ham ko ḳhud-ba-ḳhud nīñd ā ga.ī
Kyā usī kī yaad meñ karte the shab bedāriyāñ
Ai ḳhat is ke gore gāloñ par ye tū ne kyā kiyā
Chāñdnī rāteñ yakāyak ho ga.īñ añdhiyāriyāñ
Khanada-e-gul se sadā-e-nāla ātī hai mujhe
Khūn-e-bulbul se magar sīñchī ga.ī haiñ kiyāriyāñ
Khāk kā putlā bhī āhan se hai saḳhtī meñ fizūñ
Jism par insāñ ke talvāreñ huī haiñ āriyāñ
Khauf-e-ḳhāliq hai vagarna muhtasib kyā māl hai
Khāna-e-qāzī meñ jā kar kījīye may-ḳhvāriyāñ
Kuchh hamīñ ḳhālī nahīñ karte haiñ ye dair-e-ḳharāb
Phir ga.e haiñ yār yūñhī apnī apnī bāriyāñ
Hukm kar Aatish ki bāzār-e-mohabbat band ho
Ab kareñ ṭapojī ye garm apnī dukāñ-dāriyāñ
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں