چھپ کے رسوا ہوئے انکار ہے سچ بات میں کیا — حیدر علی آتش
شاعر
چھپ کے رسوا ہوئے انکار ہے سچ بات میں کیا
چھپ کے رسوا ہوئے انکار ہے سچ بات میں کیا
اے صنم لطف ہے پردے کی ملاقات میں کیا
کوئی اندھا ہی تجھے ماہ کہے اے خورشید
فرق ہوتا نہیں انسان سے دن رات میں کیا
یار نے وعدۂ فردائے قیامت تو کیا
شک ہے اے نالۂ دل تیری کرامات میں کیا
کوئی بت خانے کو جاتا ہے کوئی کعبے کو
پھر رہے گبر و مسلماں ہیں تری گھات میں کیا
ایک مدت سے ہوں سائل ترے دروازے پر
بوسہ یا گالی ملے گا مجھے خیرات میں کیا
ایسی اونچی بھی تو دیوار نہیں گھر کی ترے
رات اندھیری کوئی آوے گی نہ برسات میں کیا
دو گھڑی کی جو ملاقات تھی وہ بھی موقوف
ایسا پڑتا تھا خلل یار کی اوقات میں کیا
پڑھ کے خط اور بھی مایوس ہوئے وصل سے ہم
یار نے بھیجا سفر سے ہمیں سوغات میں کیا
آتش مست جو مل جائے تو پوچھوں اس سے
تو نے کیفیت اٹھائی ہے خرابات میں کیا
Chhup ke ruswa hue inkar hai sach baat mein kya
Chhup ke ruswa hue inkar hai sach baat mein kya
Aye sanam lutf hai parde ki mulaqat mein kya
Koi andha hi tujhe mah kahe aye khursheed
Farq hota nahin insan se din raat mein kya
Yaar ne waada-e-farda-e-qayamat to kiya
Shak hai aye nala-e-dil teri karamat mein kya
Koi but-khane ko jata hai koi kaabe ko
Phir rahe gabr-o-musalman hain teri ghat mein kya
Ek muddat se hoon sa'il tere darwaze par
Bosa ya gali milega mujhe khairat mein kya
Aisi oonchi bhi to deewar nahin ghar ki tere
Raat andheri koi aavegi na barsaat mein kya
Do ghadi ki jo mulaqat thi woh bhi mauqoof
Aisa padta tha khalal yaar ki auqat mein kya
Padh ke khat aur bhi mayus hue vasl se hum
Yaar ne bheja safar se hamein saughat mein kya
Atish-e-mast jo mil jaye to poochhoon us se
Tu ne kaifiyat uṭhai hai kharabat mein kya
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں