دولت حسن کی بھی ہے کیا لوٹ — حیدر علی آتش
شاعر
دولت حسن کی بھی ہے کیا لوٹ
دولت حسن کی بھی ہے کیا لوٹ
آنکھوں کو پڑ گئی ہے لوٹا لوٹ
چل رہی ہے دلا ہوائے بہار
لالہ پھولا ہے داغ سودا لوٹ
سامنے تیرے جو پڑے اے ترک
اس میں کعبہ ہو یا کلیسا لوٹ
چار دن ہے بہار اے بلبل
زر گل کا ہزار توڑا لوٹ
صف مژگاں سے کہہ رہی ہے وہ چشم
دل ملیں جتنے بے تحاشا لوٹ
صرف اللہ مال دنیا کر
مرد ہے کچھ تو بہر عقبیٰ لوٹ
صاف دل ہو تو جلوہ گر ہو یار
آئنہ ہو تو ہو تماشا لوٹ
نعمت خوان حسن جو مل جائے
یہ سمجھ لے ہے من و سلویٰ لوٹ
گوہر آبلہ ہوئے تو چلے
لیں گے دیوانو خار صحرا لوٹ
جانتے ہیں کہ فوج جنگی سے
نہیں سردار پھیر لیتا لوٹ
کام مردوں کا ہے یہ اے آتشؔ
رکھتی ہے جان کا بھی کھٹکا لوٹ
Daulat-e-husn ki bhi hai kya loot
Daulat-e-husn ki bhi hai kya loot
Aankhon ko pad gai hai luṭa luṭ
Chal rahi hai dilā hawa-e-bahar
Lala phoola hai dagh-e-sauda loot
Samne tere jo pade aye Turk
Is mein Kaaba ho ya Kalisa loot
Char din hai bahar aye bulbul
Zarr-e-gul ka hazar toda loot
Saf-e-mizhgan se keh rahi hai woh chashm
Dil milen jitne be-tahasha loot
Sarfa Allah maal-e-duniya kar
Mard hai kuch to behr-e-uqba loot
Saaf dil ho to jalwagir ho yaar
Aaina ho to ho tamasha loot
Naimat-e-khwan-e-husn jo mil jaye
Ye samajh le hai mann-o-salwa loot
Gauhar-e-aabala hue to chale
Lenge deewano khar-e-sahra loot
Jante hain ke fauj-e-jangi se
Nahin sardar pher leta loot
Kaam mardon ka hai ye aye Atish
Rakhti hai jaan ka bhi khaṭka loot
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں