دل بہت تنگ رہا کرتا ہے — حیدر علی آتش
شاعر
دل بہت تنگ رہا کرتا ہے
دل بہت تنگ رہا کرتا ہے
رنگ بے رنگ رہا کرتا ہے
حسن میں تیرے کوئی عیب نہیں
قبح میں دنگ رہا کرتا ہے
صلح کی دل سے ہیں یاں مصلحتیں
واں سر جنگ رہا کرتا ہے
محتسب کو ترے مستانوں سے
خوف سرچنگ رہا کرتا ہے
دل مرا پی کے محبت کی شراب
نشہ میں بھنگ رہا کرتا ہے
فارسی عار ہے مجھ مجنوں کو
ننگ سے ننگ رہا کرتا ہے
جوہر تیغ دکھاتا ہے حسن
عشق چورنگ رہا کرتا ہے
گفتنی حال نہیں ہے اپنا
کچھ عجب ڈھنگ رہا کرتا ہے
حلب رخ میں ترے خالوں سے
لشکر زنگ رہا کرتا ہے
منزل گور کے دیوانوں کے
سینہ پر سنگ رہا کرتا ہے
عالم وجد ترے مستوں کو
بے دف و چنگ رہا کرتا ہے
فندق دست صنم سے نادم
گل اورنگ رہا کرتا ہے
تیرے گوش شنوا کا مشتاق
ہر خوش آہنگ رہا کرتا ہے
بندش چست سے تیری آتشؔ
قافیہ تنگ رہا کرتا ہے
Dil bahut tang raha karta hai
Dil bahut tang raha karta hai
Rang be-rang raha karta hai
Husn mein tere koi aib nahin
Qubh mein dang raha karta hai
Sulh ki dil se hain yaan maslahatein
Waan sar-e-jang raha karta hai
Muhtasib ko tere mastaanoñ se
Khauf sar-chang raha karta hai
Dil mera pee ke mohabbat ki sharāb
Nasha mein bhang raha karta hai
Fārsī aar hai mujh Majnuñ ko
Nang se nang raha karta hai
Jauhar-e-tegh dikhātā hai husn
Ishq chaurang raha karta hai
Guftani haal nahin hai apna
Kuchh ajab dhang raha karta hai
Halab-rukh mein tere khaloñ se
Lashkar-e-zang raha karta hai
Manzil-e-gaur ke deewanoñ ke
Seena par sang raha karta hai
Alam-e-wajd tere mastoñ ko
Be-daf-o-chang raha karta hai
Fundaq-e-dast-e-sanam se naadim
Gul aurang raha karta hai
Tere gosh-e-shanvā ka mushtaq
Har khush-āhang raha karta hai
Bandish-e-chust se teri Atish!
Qāfiya tang raha karta hai
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں