فرط شوق اس بت کے کوچہ میں لگا لے جائے گا — حیدر علی آتش
شاعر
فرط شوق اس بت کے کوچہ میں لگا لے جائے گا
فرط شوق اس بت کے کوچہ میں لگا لے جائے گا
کعبۂ مقصود تک مجھ کو خدا لے جائے گا
کاٹ کر پر بھی مجھے صیاد بے قابو نہ چھوڑ
ناتواں ہوں باد کا جھوکا اڑا لے جائے گا
روتے روتے جان جاوے گی فراق یار میں
اشک کا دریا مرا مردہ بہا لے جائے گا
دل مرا مٹھی میں رکھتے ہو تمہارے ہاتھ سے
چھین کر اک دن اسے دزد حنا لے جائے گا
مصر تک پہنچے نہ جو کنعاں سے وہ یوسف ہوں میں
دست اخواں سے چھٹا تو بھیڑیا لے جائے گا
ایک گل اس باغ کا بوئے وفا رکھتا نہیں
سبزۂ بیگانہ شوق آشنا لے جائے گا
وعدۂ صادق تو عزرائیل سے ہے دیکھیے
اس سرے سے مجھ کو کب تک اس سرا لے جائے گا
باغباں گلشن کے دروازے کو کیا رکھتا ہے بند
کون غنچے کی کلہ گل کی قبا لے جائے گا
استخواں اجرت میں دیں گے ہم فقیر اے شاہ حسن
عرضی اپنے شوق کی تجھ تک ہما لے جائے گا
کشتیٔ تن بحر ہستی میں رہی برسوں تباہ
پار اسے اک دم میں اس کا ناخدا لے جائے گا
حسن دکھلا دے گا اے بت تجھ میں شان اللہ کی
تیرے آگے عالم اپنی التجا جائے گا
بوسے لے گا دست تیغ قاتل بے باک کے
آتشؔ مقتول اپنا خوں بہا لے جائے گا
Fart-e-shauq is but ke kooche mein laga le jaayega
Fart-e-shauq is but ke kooche mein laga le jaayega
Ka'ba-e-maqsood tak mujh ko Khuda le jaayega
Kaat kar par bhi mujhe sayyad be-qaabu na chhod
Naatavaan houn baad ka jhonka udaa le jaayega
Rote rote jaan jaave gi firaaq-e-yaar mein
Ashk ka darya mera murda bahaa le jaayega
Dil mera mutthi mein rakhte ho tumhare haath se
Chheen kar ek din use duzd-e-hinna le jaayega
Misr tak pahuche na jo Kanaan se woh Yusuf houn main
Dast-e-ikhwaan se chhoota to bhediya le jaayega
Ek gul is baagh ka boo-e-wafa rakhta nahin
Sabza begaana shauq-e-aashna le jaayega
Waada-e-saadiq to Azraeel se hai dekhiye
Is sire se mujh ko kab tak is saraa le jaayega
Baaghbaan gulshan ke darwaze ko kya rakhta hai band
Kaun ghunche ki kullaa gul ki qabaa le jaayega
Astkhwaan ujrat mein denge hum faqeer aye Shah-e-husn
Arzi apne shauq ki tujh tak humaa le jaayega
Kashti-e-tan bahr-e-hasti mein rahi barson tabaah
Paar use ek dam mein us ka naakhuda le jaayega
Husn dikhlaa dega aye but tujh mein shaan Allah ki
Tere aage aalam apni iltija jaayega
Bose lega dast-e-tegh-e-qaatil bebaak ke
Atish maqtool apna khoon bahaa le jaayega
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں