ہوائے دور مے خوش گوار راہ میں ہے — حیدر علی آتش
شاعر
ہوائے دور مے خوش گوار راہ میں ہے
ہوائے دور مے خوش گوار راہ میں ہے
خزاں چمن سے ہے جاتی بہار راہ میں ہے
گدا نواز کوئی شہسوار راہ میں ہے
بلند آج نہایت غبار راہ میں ہے
عدم کے کوچ کی لازم ہے فکر ہستی میں
نہ کوئی شہر نہ کوئی دیار راہ میں ہے
نہ بدرقہ ہے نہ کوئی رفیق ساتھ اپنے
فقط عنایت پروردگار راہ میں ہے
سفر ہے شرط مسافر نواز بہتیرے
ہزار ہا شجر سایہ دار راہ میں ہے
مقام تک بھی ہم اپنے پہنچ ہی جائیں گے
خدا تو دوست ہے دشمن ہزار راہ میں ہے
تھکیں جو پاؤں تو چل سر کے بل نہ ٹھہر آتشؔ
گل مراد ہے منزل میں خار راہ میں ہے
Hawa-e-daur-e-mai khush-gawar raah mein hai
Hawa-e-daur-e-mai khush-gawar raah mein hai
Khizan chaman se hai jaati bahar raah mein hai
Gada nawaz koi sheh-sawar raah mein hai
Buland aaj nihayat ghubaar raah mein hai
Adam ke kooch ki lazim hai fikr hasti mein
Na koi shahar na koi dayar raah mein hai
Na badraqa hai na koi rafeeq saath apne
Faqat inayat-e-Parwardigar raah mein hai
Safar hai shart musafir-nawaz bahtere
Hazaar ha shajar saya-dar raah mein hai
Maqam tak bhi hum apne pahunch hi jayenge
Khuda to dost hai dushman hazaar raah mein hai
Thaken jo paaon to chal sir ke bal na thehar Atish!
Gul-e-murad hai manzil mein khar raah mein hai
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں