کام ہمت سے جواں مرد اگر لیتا ہے — حیدر علی آتش
شاعر
کام ہمت سے جواں مرد اگر لیتا ہے
کام ہمت سے جواں مرد اگر لیتا ہے
سانپ کو مار کے گنجینۂ زر لیتا ہے
نا گوارا کو جو کرتا ہے گوارا انساں
زہر پی کر مزۂ شیر و شکر لیتا ہے
ہالے میں ماہ کا ہوتا ہے چکوروں کو یقیں
کبھی انگڑائی جو وہ رشک قمر لیتا ہے
وہ زبوں بخت شجر ہوں میں کہ دہقاں میرا
پیچھے بوتا ہے مجھے پہلے تبر لیتا ہے
منزل فقر و فنا جائے ادب ہے غافل
بادشہ تخت سے یاں اپنے اتر لیتا ہے
گنج پنہاں ہیں تصرف میں بنی آدم کے
کان سے لعل یہ دریا سے گہر لیتا ہے
نظر آ جاتا ہے اے گل جسے رخسار ترا
پھولوں سے دامن نظارہ وہ بھر لیتا ہے
عقل کر دیتی ہے انساں کی جہالت زائل
موت سے جان چھپانے کو سپر لیتا ہے
یاد رکھتا ہے عدم میں کوئی ساغر کش اسے
ہچکیاں شیشۂ مے شام و سحر لیتا ہے
غیرت نالہ و فریاد نہ کھو اے آتشؔ
آشنا کوئی نہیں کون خبر لیتا ہے
Kaam himmat se jawan-mard agar leta hai
Kaam himmat se jawan-mard agar leta hai
Sanp ko maar ke ganjina-e-zar leta hai
Na-gawara ko jo karta hai gawara insan
Zehar pi kar maza sheer-o-shakar leta hai
Haale mein maah ka hota hai chakoron ko yaqin
Kabhi angdai jo woh rashk-e-qamar leta hai
Woh zaboon-bakht shajar hoon main ki dehqan mera
Peeche bota hai mujhe pehle tabar leta hai
Manzil-e-faqr-o-fana ja-e-adab hai ghafil
Badshah takht se yan apne utar leta hai
Ganj-e-pinhan hain tasarraf mein bani Adam ke
Kaan se laal yeh darya se gauhar leta hai
Nazar aa jaata hai ae gul jise rukhsaar tera
Phoolon se daman-e-nazarah woh bhar leta hai
Aql kar deti hai insan ki jahalat zail
Maut se jaan chhupane ko sipar leta hai
Yaad rakhta hai adam mein koi saghar-kash use
Hichkiyan sheesha-e-may sham-o-sahar leta hai
Ghairat-e-nala-o-faryaad na kho ae Atish!
Ashna koi nahin kaun khabar leta hai
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں