کعبہ و دیر میں ہے کس کے لیے دل جاتا — حیدر علی آتش
شاعر
کعبہ و دیر میں ہے کس کے لیے دل جاتا
کعبہ و دیر میں ہے کس کے لیے دل جاتا
یار ملتا ہے تو پہلو ہی میں ہے مل جاتا
خدمت یار میں میں جبکہ ہوں سائل جاتا
کچھ نہ کچھ بوسہ و دشنام سے ہے مل جاتا
تیرے دانتوں سے جو ہونے کو مقابل جاتا
صورت اشک گہر خاک میں مل مل جاتا
پھل ملا ہے یہ تری تیغ سے ہم کو اے ترک
پھوٹ کی طرح ہر اک زخم ہے کھل کھل جاتا
رخ کے ہوتے ہوے ڈھونڈا نہ دہن کا مضمون
سہل کو چھوڑ کے کیوں جانب مشکل جاتا
پر تو کترے ہیں یقین ہے کہ چھری بھی پھیرے
زمزموں سے مرے صیاد ہے ہل ہل جاتا
زخم کاری کی تری تیغ سے اللہ ری خوشی
رقص کرتا ہوا دنیا سے ہے بسمل جاتا
راہ بھولے ہوے حاجی ہے بھٹکتا ناحق
کعبۃ اللہ جو جاتا تو سوئے دل جاتا
طرفہ رکھتی ہے خرابات مغاں کیفیت
ہوشیار آ کے ہے اس بزم سے غافل جاتا
راہ میں شان کریمی ہے تری بھر دیتی
پھر کے خالی کسی در سے جو ہے سائل جاتا
اے صبا تو ہی اڑا کر رخ لیلیٰ دکھلا
دست مجنوں نہیں تا پردۂ محمل جاتا
کون سی راحت جاں کی ہیں یہ آنکھیں مشتاق
کر کے اندھیر ہے وہ رونق محفل جاتا
آمد یار کی کانوں سے سنی ہے جو خبر
چھپ کے پہلو سے ہے آنکھوں کی طرف دل جاتا
Ka'ba o dair meñ hai kis ke liye dil jaatā
Ka'ba o dair meñ hai kis ke liye dil jaatā
Yār miltā hai to pahlū hī meñ hai mil jaatā
Khidmat-e-yār meñ maiñ jabki huuñ sā.il jaatā
Kuchh na kuchh bosa o dushnām se hai mil jaatā
Tere dāñtoñ se jo hone ko muqābil jaatā
Sūrat-e-ashk-e-gauhar ḳhāk meñ mil mil jaatā
Phal milā hai ye tirī tegh se ham ko ai turk
Phūṭ kī tarah har ik zaḳhm hai khul khul jaatā
Ruḳh ke hote hue DhūñDhā na dahan kā mazmūñ
Sahl ko chhoṛ ke kyuuñ jānib-e-mushkil jaatā
Par to kutre haiñ yaqīñ hai ki chhurī bhī phere
Zamzamōñ se mare sayyād hai hal hal jaatā
Zaḳhm-e-kārī kī tirī tegh se allāh re ḳhushī
Raqs kartā huā dunyā se hai bismil jaatā
Rāh bhūle hue hājī hai bhaṭaktā nāhaq
Ka'bat-ullāh jo jaatā to sū-e-dil jaatā
Turfa rakhtī hai ḳharābāt-e-mughāñ kaifiyat
Hoshiyār ā ke hai is bazm se ghāfil jaatā
Rāh meñ shān-e-karīmī hai tirī bhar detī
Phir ke ḳhālī kisī dar se jo hai sā.il jaatā
Ai sabā tū hī uṛā kar ruḳh-e-Lailā dikhlā
Dast-e-majnūñ nahīñ tā parda-e-mahmil jaatā
Kaun sī rāhat-e-jāñ kī haiñ ye āñkheñ mushtāq
Kar ke andher hai vo raunaq-e-mahfil jaatā
Āmad-e-yār kī kānōñ se sunī hai jo ḳhabar
Chhup ke pahlū se hai āñkhōñ kī taraf dil jaatā
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں