لخت جگر کو کیونکر مژگان تر سنبھالے — حیدر علی آتش
شاعر
لخت جگر کو کیونکر مژگان تر سنبھالے
لخت جگر کو کیونکر مژگان تر سنبھالے
یہ شاخ وہ نہیں جو بار ثمر سنبھالے
دیوانہ ہو کے کوئی پھاڑا کرے گریباں
ممکن نہیں کہ دامن وہ بے خبر سنبھالے
تلوار کھینچ کر وہ خوں خوار ہے یہ کہتا
منہ پر جو کھاتے ڈرتا ہو وہ سپر سنبھالے
تکیے میں آدمی کو لازم کفن ہے رکھنا
بیٹھا رہے مسافر رخت سفر سنبھالے
یک دم نہ نبھنے دیتی ان کی تنک مزاجی
رکھتے نہ ہم طبیعت اپنی اگر سنبھالے
وہ نخل خشک ہوں میں اس گلشن جہاں میں
پھرتا ہے باغباں بھی مجھ پر تبر سنبھالے
ہر گام پر خوشی سے وارفتگی سی ہوگی
لانا جواب خط کو اے نامہ بر سنبھالے
یا پھر کتر پر اس کے صیاد یا چھری پھیر
بے بال و پر نے تیرے پھر بال و پر سنبھالے
درد فراق آتشؔ تڑپا رہا ہے ہم کو
اک ہاتھ دل سنبھالے ہے اک جگر سنبھالے
Lakht-e-jigar ko kyunkar mizhgan-e-tar sambhale
Lakht-e-jigar ko kyunkar mizhgan-e-tar sambhale
Ye shakh woh nahin jo bar-e-samar sambhale
Deewana ho ke koi phaara kare gareban
Mumkin nahin ke daman woh bekhabar sambhale
Talwar khinch kar woh khoonkhwar hai ye kehta
Munh par jo khate darta ho woh sipar sambhale
Takye mein aadmi ko lazim kafan hai rakhna
Baitha rahe musafir rakht-e-safar sambhale
Yak dam na nibhne deti un ki tanak mizaji
Rakhte na hum tabiyat apni agar sambhale
Woh nakhl-e-khushk hoon main is gulshan-e-jahan mein
Phirta hai baghban bhi mujh par tabar sambhale
Har gaam par khushi se waaraftagi si hogi
Lana jawab-e-khat ko aye nama bar sambhale
Ya phir qutar par us ke saiyyad ya chhuri pher
Be-baal-o-par ne tere phir baal-o-par sambhale
Dard-e-firaq Atish tarpa raha hai hum ko
Ek hath dil sambhale hai ek jigar sambhale
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں