قد صنم سا اگر آفریدہ ہونا تھا — حیدر علی آتش
شاعر
قد صنم سا اگر آفریدہ ہونا تھا
قد صنم سا اگر آفریدہ ہونا تھا
نہ سرو باغ کو اتنا کشیدہ ہونا تھا
ہوا ہے زلف سے گستاخ کس قدر شانہ
ہمارے پاس بھی دست بریدہ ہونا تھا
نہ کھینچنا تھا زلیخا کو دامن یوسف
اسی کا پردۂ عصمت دریدہ ہونا تھا
دیا نہ ساتھ جو صبر و قرار نے نہ دیا
روانہ ملک عدم کو جریدہ ہونا تھا
مٹائے سے کوئی مٹتا ہے باطلوں کے حق
کچھ اختیار سے کیا برگزیدہ ہونا تھا
نہ جانتا تھا غضب ہے نگہ کا تیر اے دل
تجھی کو سامنے آفت رسیدہ ہونا تھا
رلاتا شام و سحر کس طرح نہ طالع پست
بلند سر سے مرے آب دیدہ ہونا تھا
گریز یار نے برباد کر دیا ہم کو
غبار راہ غزال رمیدہ ہونا تھا
نہ آئی دامن دایہ میں نیند اے آتشؔ
درون دامن خاک آرمیدہ ہونا تھا
Qad sanam sā agar āfrīda honā thā
Qad sanam sā agar āfrīda honā thā
Na sarv-e-bāgh ko itnā kashīda honā thā
Huā hai zulf se gustāḳh kis qadar shāna
Hamāre pās bhī dast-e-burīda honā thā
Na kheñchnā thā Zulekhā ko dāman-e-Yusuf
Isī kā parda-e-ismat darīda honā thā
Diyā na sāth jo sabr-o-qarār ne na diyā
Ravāna mulk-e-adam ko jarīda honā thā
Miṭā.e se koī miṭtā hai bātilōñ ke haq
Kuchh ikhtiyār se kyā barguzīda honā thā
Na jāntā thā ghazab hai nigah kā tīr ai dil
Tujhī ko sāmne āfat rasīda honā thā
Rulātā shām-o-sahar kis tarah na tāle-e-past
Buland sar se mere āb-dīda honā thā
Gurez-e-yār ne barbād kar diyā ham ko
Ghubār-e-rāh-e-ghazāl-e-ramīda honā thā
Na ā.ī dāman-e-dāya meñ nīnd ai Aatish
Darūn-e-dāman-e-khāk āramīda honā thā
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں