شب فرقت میں یار جانی کی — حیدر علی آتش
شاعر
شب فرقت میں یار جانی کی
شب فرقت میں یار جانی کی
درد پہلو نے مہربانی کی
منہ دکھاؤ بہت رہی تکرار
ارنی اور لن ترانی کی
جس کو کہتے ہیں چودھویں کا چاند
تیری تصویر ہے جوانی کی
کمر یار ہو گئی غائب
سن کے دھوم اپنی ناتوانی کی
صورت حال پر ہمارے مہر
داغ نے زخم نے نشانی کی
سیر نعمت سے دو جہان کی کیا
دے کے شبنم کو بوند پانی کی
ہو گیا عشق حسن سے ناگاہ
پوچھتے کیا ہو ناگہانی کی
دل برشتہ ہوا جو مثل کباب
میں نے ترکوں کی مہمانی کی
لب جاں بخش کے قریب وہ خط
شرح ہے متن زندگانی کی
گوش زد ہوتے ہی ہوئی دشمن
نیند تیری مری کہانی کی
کھینچتے اس غزال کی صورت
چوکڑی بھولتی ہے مانیؔ کی
مجھ کو بٹھلا کے یار سوتا ہے
عاشقی کی کہ پاسبانی کی
رہ گیا شوق منزل مقصود
پائے خفتہ نے سرگرانی کی
مثل شبنم ہوں صاف دل قانع
مجھ کو دریا ہے بوند پانی کی
برق چمکی تو سرفراز کیا
ابر آیا تو مہربانی کی
راحت مرگ کو نہ پوچھ آتشؔ
نہ رہی قدر زندگانی کی
Shab-e-furqat mein yaar-e-jani ki
Shab-e-furqat mein yaar-e-jani ki
Dard-e-pehlu ne meherbani ki
Munh dikhao bahut rahi takrar
Arni aur lan tarani ki
Jis ko kehte hain chaudhvin ka chand
Teri tasveer hai jawani ki
Kamar yaar ho gai ghaib
Sun ke dhoom apni natwani ki
Surat-e-haal par hamare meher
Dagh ne zakhm ne nishani ki
Sair-e-naimat se do jahan ki kya
De ke shabnam ko boond pani ki
Ho gaya ishq-e-husn se nagah
Poochte kya ho naghani ki
Dil birishta hua jo misl-e-kabab
Main ne tirkon ki mehmāni ki
Lab-e-jaanbakhsh ke qareeb woh khat
Sharh hai matn-e-zindagani ki
Goshzad hote hi hui dushman
Neend teri meri kahani ki
Kheenchte us ghazal ki surat
Chaukdi bhoolti hai Māni ki
Mujh ko biṭhlā ke yaar sota hai
Aashiqi ki keh pasbani ki
Reh gaya shauq-e-manzil-e-maqsood
Pa-e-khufta ne sar-garani ki
Misl-e-shabnam hoon saaf dil qana'
Mujh ko darya hai boond pani ki
Barq chamki to sarfaraz kiya
Abr aaya to meherbani ki
Rahat-e-marg ko na pooch Atish
Na rahi qadr-e-zindagani ki
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں