اقبال ساجد

English rendering

Be-khabar duniya ko rehne do khabar karte ho kyon Dosto mere dukhon ko mushtahir karte ho kyon Koi darwaza na kholega sadaa-e-dard par Bastiyon mein shor-o-ghul sham-o-sahar karte ho kyon Mujh se ghurbat mol le kar kaun ghar le jaayega Tum mujhe ruswa sar-e-bazaar zar karte ho kyon Aankh ke andhon ko kyon dikhlaate ho parwaz-e-harf Kaghazon pe ab tamasha-e-hunar karte ho kyon Tazkira likhte ho kya meri shikast-o-rekht ka Lafz ki basti mein maani ko khandhar karte ho kyon Dosto! Beenai bakhshegi tumhein un ki udaan Panchhiyon ko chhod do be-baal-o-par karte ho kyon Lafz agar bote to phir fasl-e-maani kaat-te Dosto! Ab shikwa-e-ahl-e-hunar karte ho kyon Zaalimon ke saath mil jaao rahoge aish mein Umar Sajid kusumparsi mein basar karte ho kyon