دہر کے اندھے کنویں میں کس کے آوازہ لگا
دہر کے اندھے کنویں میں کس کے آوازہ لگا کوئی پتھر پھینک کر پانی کا اندازہ لگا ذہن میں سوچوں کا سورج برف کی صورت نہ رکھ کہر کے دیوار و در پر دھوپ کا غازہ لگا رات بھی اب جا رہی ہے اپنی منزل کی طرف کس کی دھن میں جاگتا ہے گھر کا دروازہ لگا کانچ کے برتن میں جیسے سرخ کاغذ کا گلاب وہ مجھے اتنا ہی اچھا اور تر و تازہ لگا پیار کرنے بھی نہ پایا تھا کہ رسوائی ملی جرم سے پہلے ہی مجھ کو سنگ خمیازہ لگا شہر کی سڑکوں پر اندھی رات کے پچھلے پہر میرا ہی سایہ مجھے رنگوں کا شیرازہ لگا جانے رہتا ہے کہاں اقبال ساجدؔ آج کل رات دن دیکھا ہے اس کے گھر کا دروازہ لگا
English rendering
Dahar ke andhe kunwen mein kis ke awaza laga Koyi patthar phenk kar paani ka andaza laga Zehan mein sochon ka suraj barf ki surat na rakh Kohar ke deewar o dar par dhoop ka ghaza laga Raat bhi ab ja rahi hai apni manzil ki taraf Kis ki dhun mein jaagta hai ghar ka darwaza laga Kaanch ke bartan mein jaise surkh kaghaz ka gulab Woh mujhe itna hi achha aur tar-o-taza laga Pyaar karne bhi na paya tha ke ruswai mili Jurum se pehle hi mujh ko sang-e-khamiyaza laga Shehar ki saṛkon par andhi raat ke pichle pehar Mera hi saya mujhe rangon ka shiraza laga Jaane rehta hai kahan Iqbalؔ Sajidؔ aaj kal Raat din dekha hai us ke ghar ka darwaza laga