ختم راتوں رات اس گل کی کہانی ہو گئی
ختم راتوں رات اس گل کی کہانی ہو گئی رنگ بوسیدہ ہوئے خوشبو پرانی ہو گئی جس سے روشن تھا مقدر وہ ستارہ کھو گیا ظلمتوں کی نذر آخر زندگانی ہو گئی کل اجالوں کے نگر میں حادثہ ایسا ہوا چڑھتے سورج پر دیئے کی حکمرانی ہو گئی رہ گئی تھی لعل بننے میں کمی اک آنچ کی آنکھ سے گر کر لہو کی بوند پانی ہو گئی چلۂ جاں پر چڑھا کر آخری سانسوں کے تیر موت کی سرحد میں داخل زندگانی ہو گئی خوف اب آتا نہیں ہے سیپیاں چنتے ہوئے دوستی اپنی سمندر سے پرانی ہو گئی کس جگہ آیا ہے تو آنکھوں کے نیلم بھول کر غم کہاں اقبال ساجدؔ کی نشانی ہو گئی
English rendering
Khatm raaton raat us gul ki kahani ho gayi Rang boseeda hue khushboo purani ho gayi Jis se roshan tha muqaddar wo sitara kho gaya Zulmaton ki nazr aakhir zindagani ho gayi Kal ujaalon ke nagar mein hadisa aisa hua ChaDhte suraj par diye ki hukmarani ho gayi Reh gayi thi la'l banne mein kami ek aanch ki Aankh se gir kar lahu ki boond pani ho gayi Chillah jaaun par chaDha kar aakhri saanson ke teer Maut ki sarhad mein dakhil zindagani ho gayi Khauf ab aata nahin hai seepiyan chunte hue Dosti apni samundar se purani ho gayi Kis jagah aaya hai tu aankhon ke neelam bhool kar Gham kahan Iqbal Sajid ki nishani ho gayi