لگا دی کاغذی ملبوس پر مہر ثبات اپنی
لگا دی کاغذی ملبوس پر مہر ثبات اپنی بشر کے نام کر دی ہے خدا نے کائنات اپنی خلا کے آر بھی میں ہوں خلا کے پار بھی میں ہوں عبور اک پل میں کرتا ہوں حدو ممکنات اپنی جیوں گا اپنی مرضی سے مروں گا اپنی مرضی سے مرے زیر تسلط ہے فنا اپنی حیات اپنی لکھی ہے میں نے اپنے ہاتھ پر تحریر آئندہ مری اپنی وراثت ہے قلم اپنا دوات اپنی میں خود پر آزماؤں گا خود اپنا آخری داؤ خبر ہے مجھ کو ساجدؔ جیت بن جائے گی مات اپنی
English rendering
Laga di kaghazi malboos par mohar-e-sabat apni Bashar ke naam kar di hai Khuda ne kaainat apni Khala ke aar bhi main hoon khala ke paar bhi main hoon Uboor ik pal mein karta hoon hadd-e-mumkinat apni Jiyunga apni marzi se marunga apni marzi se Mere zer-e-tasallut hai fana apni hayaat apni Likhi hai main ne apne haath par tehreer aainda Meri apni virasat hai qalam apna dawaat apni Main khud par azmaunga khud apna aakhri dao Khabar hai mujh ko Sajidؔ jeet ban jaayegi maat apni