اقبال ساجد

English rendering

Moond kar aankhen talash-e-bahr-o-bar karne lage Log apni zaat ke andar safar karne lage Manjhion ke geet sun kar aa gaya darya ko josh Sahilon pe raqs tezi se bhanwar karne lage Baṛh gaya hai is qadar ab surkh-ru hone ka shauq Log apne khoon se jismon ko tar karne lage Baandh de shakhon se tu miṭṭi ke phal kaghaz ke phool Yeh taqaza raah mein ujṛe shajar karne lage Gaon mein kache gharon ki qeematein baṛhne lagin Shehar se naql-e-makani ahl-e-zar karne lage Jaise har chehre ki aankhen sar ke peeche aa lagin Sab ke sab ulte hi qadmon se safar karne lage Ab paṛhe likhe bhi Sajidؔ aa ke be-kari se tang Shab ko deewaron pe chispan poster karne lage