اے رہ ہجر نو فروز دیکھ کہ ہم ٹھہر گئے
اے رہ ہجر نو فروز دیکھ کہ ہم ٹھہر گئے یہ بھی نہیں کہ زندہ ہیں یہ بھی نہیں کہ مر گئے خواب تلک رہائی تھی تیرے فراق و ہجر سے آنکھ کھلی تو آئنے تہہ میں کہیں اتر گئے تو بھی مری طرح رہا دھیان اٹھائے شہر کا سوئے تو چھاؤں سو گئی قافلے کوچ کر گئے تجھ کو بہت قریب سے دیکھ کے یوں لگا کہ اب خیمۂ جاں اکھڑ گیا دشت طلب گزر گئے دل کی گواہی کے لیے رسم دعا بری نہ تھی رنج خمار بے ثمر ڈھونڈنے اس کے گھر گئے ہم ہی تھے وہ بلا کشاں دار و رسن تھے جن کی جاں ہم ہی تھے شب کے ہم سفر ہم ہی نہ اپنے گھر گئے دل کو ترے فراق کی آرزو یاد رہ گئی دن وہ محبتوں کے بھی مثل رہ سفر گئے میرے لیے بھی خواب تھے اس نے رکھے ہوئے کہیں شہر میں ان کو ڈھونڈنے قاصد بے ہنر گئے
English rendering
Aye rah-e-hijr-e-nau-faroz dekh ke hum theher gaye Ye bhi nahin ke zinda hain ye bhi nahin ke mar gaye Khwab talak rihai thi tere firaq o hijr se Aankh khuli to aaine teh mein kahin utar gaye Tu bhi meri tarah raha dhyan uthaye shahr ka Soye to chhaon so gai qafle koch kar gaye Tujh ko bohot qareeb se dekh ke yun laga ke ab Khaima-e-jaan ukhad gaya dasht-e-talab guzar gaye Dil ki gawahi ke liye rasm-e-dua buri na thi Ranj-e-khumar-e-be-samar dhundhne uske ghar gaye Hum hi the wo bala-kashan daar o rasan the jin ki jaan Hum hi the shab ke humsafar hum hi na apne ghar gaye Dil ko tere firaq ki aarzoo yaad reh gai Din wo muhabbaton ke bhi misl-e-rah-e-safar gaye Mere liye bhi khwab the usne rakhe hue kahin Shehr mein unko dhundhne qasid-e-be-hunar gaye