اک میں ہی سرنگوں تو نہ پسپائیوں میں تھا
اک میں ہی سرنگوں تو نہ پسپائیوں میں تھا وہ مہرِنیم روز بھی پرچھائیوں میں تھا اوپر جمی ہوئی تھیں تہیں رسمیات کی پانی تعلقات کا گہرائیوں میں تھا یہ کس کے سوگ میں تھے کھلے سر چھتوں پہ لوگ ماتم یہ کس کی موت کا انگنائیوں میں تھا وہ سنگ باریوں سے بچاتا بھی کیا مجھے غیروں کیساتھ وہ بھی تماشائیوں میں تھا جتنی ہی تیز جھوٹ کے ہونٹ پہ تھی مٹھاس اتنا ہی تلخ زہر بھی سچائیوں میں تھا اس دشت میں تھا اندھا کنواں ہی مِرا نصیب کچھ فرق دشمنوں نہ سگے بھائیوں میں تھا وہ لاکھ ابھر کے بھی تو رہا دوسروں کا عکس میں ڈوب کر بھی اپنی ہی پرچھائیوں میں تھا پنہاں تھی غم کی لہر سی موجِ نشاط میں ہلکا سا سوزِ درد بھی شہنائیوں میں تھا پھر بھی نہ جانے ہو گیا دشمن زمانہ کیوں میں تو برائیوں میں نہ اچھائیوں میں تھا محسن وہ زہر پھیل گیا سطح پر بھی اب کل تک جو صرف ذہن کی گہرائیوں میں تھا
English rendering
Ik main hi sar-nigoon to na paspaiyon mein tha Wo mehr-e-neem roz bhi parchhaiyon mein tha Oopar jami hui theen tehain rasmiyat ki Pani ta'alluqat ka gahraiyon mein tha Ye kis ke sog mein the khule sar chhaton pe log Maatam ye kis ki maut ka anganaiyon mein tha Wo sang-bariyoon se bachata bhi kya mujhe Gairon ke saath wo bhi tamashaiyon mein tha Jitni hi tez jhoot ke honth pe thi mithas Utna hi talkh zehar bhi sachchaiyon mein tha Us dasht mein tha andha kunwan hi mira naseeb Kuch farq dushmanon na sage bhaiyon mein tha Wo lakh ubhar ke bhi to raha doosron ka aks Main doob kar bhi apni hi parchhaiyon mein tha Pinhhan thi gham ki lehar si mauj-e-nishat mein Halka sa soz-e-dard bhi shehnaiyon mein tha Phir bhi na jaane ho gaya dushman zamana kyoon Main to buraiyon mein na achchaiyon mein tha Mohsin wo zehar phail gaya satah par bhi ab Kal tak jo sirf zehen ki gahraiyon mein tha