کوئی پیکر ہے نہ خوشبو ہے نہ آواز ہے وہ
کوئی پیکر ہے نہ خوشبو ہے نہ آواز ہے وہ ہاتھ لگتا ہی نہیں۔ ایسا کوئی راز ہے وہ ایک صورت ہے جو مٹتی ہے بنا کرتی ہے کبھی انجام ہے میرا، کبھی آغاز ہے وہ اس کو دنیا میں میری طرح ضرر کیوں پہنچے میں زمانے کا مخالف ہوں جہاں ساز ہے وہ لوگ اس کے ہی اشاروں پہ اڑے پھرتے ہیں بال و پر دیکھے کے ہیں قوتِ پرواز ہے وہ پتھروں پر بھی جو قدموں کے نشاں ثبت کرے صاحبِ کشف ہے وہ صاحبِ اعجاز ہے وہ سوچ کر اس سے ملو وہ میرا ہمزاد سہی سحر کر دیتا ہے ذہنوں پہ فزوں ساز ہے وہ اک کھنڈر جس سے کوئی اب تو گزرتا بھی نہیں اپنے ماضی کے حسیں دور کا غماز ہے وہ کیوں نہ محسنؔ اسے سینے سے لگائے رکھوں میرے ہی ٹوٹے ہوئے ساز کی آواز ہے وہ
English rendering
Koi paikar hai na khushboo hai na aawaaz hai woh Haath lagta hi nahin. aisa koi raaz hai woh Ek soorat hai jo mitti hai bana karti hai Kabhi anjaam hai mera, kabhi aaghaaz hai woh Is ko duniya mein meri tarah zarar kyon pohnche Main zamaane ka mukhaalif hoon jahaan saaz hai woh Log us ke hi ishaaron pe ude phirte hain Baal o par dekhe ke hain quwwat e parwaaz hai woh Pattharon par bhi jo qadmon ke nishaan sabt kare Saahib e kashf hai woh saahib e e'jaaz hai woh Soch kar us se milo woh mera humzaad sahi Sehar kar deta hai zehnon pe fizoon saaz hai woh Ik khandar jis se koi ab to guzarta bhi nahin Apne maazi ke haseen daur ka ghammaz hai woh Kyon na Mohsinؔ use seene se lagaaye rakhoon Mere hi tootay hue saaz ki aawaaz hai woh