نا معلوم

English rendering

Gali gali yun mohabbat ke khwab bechoonga Main rakh ke reerh pe taza gulab bechoonga Rahi jo zindagi meri toh shehr-e-zulmat mein Chiragh bechoonga aur be-hisab bechoonga Mera ujalaon ka beopaar bas chamak jaye Falak pe baith ke main aaftab bechoonga Kashed kar ke qalandar ki mast aankhon se Sharabion ko main "Haq ki sharab" bechoonga Khareed kar main jahannam se jism-e-Laila ka Janab-e-Qais ko dilkash azab bechoonga Sunai de ga jise meri rooh ka naghma Main aise shakhs ko dil ka rubab bechoonga Laga ke aag mein rakh doonga "Fikr-e-nafrat" ko Kabarion ko main is ka nisab bechoonga Main gurda bech ke chhupwaunga use Wasif Phir ek "wah" ke badle kitab bechoonga Jabbar Wasif