شکستہ شب میں تمہاری وحشت نے سر اٹھایا تو کیا کرو گے
شکستہ شب میں تمہاری وحشت نے سر اٹھایا تو کیا کرو گے تمہیں تمہارے ہی نیم خوابوں نے گر جگایا تو کیا کرو گے پلک پلک سے چھلک رہی ہے مری اُداسی لہو کی صورت مگر اداسی کی بارشوں نے تمہیں رلایا تو کیا کرو گے ہوائے ظلم و ستم نے میرا یہ خستہ گھر تو گرا دیا ہے انہی ہواؤں نے گر تمہارا دیا بجھایا تو کیا کرو گے فراقِ وحشت سے تنگ ہو کر پلٹ بھی آؤ اے میرے ہمدم دیارِ الفت میں چلتے چلتے مجھے نہ پایا تو کیا کرو گے ہماری حالت پہ مسکرا کر تَو چل دیے ہو مگر اے جاناں کوئی تمہاری جو بے بسی پر یوں مسکرایا تو کیا کرو گے قفس پہ چلمن رکھی ہوئی ہے ذہن میں الجھن پڑی ہوئی ہے مگر پرندوں کو جب جنوں نے رہا کرایا تو کیا کرو گے چلو یہ مانا کہ مَیں بھی تیرا اسیرِ زلفِ بلا ہُوں لیکن کبھی جو قدرت نے میرا دامن اگر چُھڑایا تَو کیا کرو گے مجھے تَو ساگر نکال پھینکا ہے زندگی کی حقیقتوں سے تمہیں بھی لمحوں کی تیز رَو نے اگر بہایا تو کیا کرو گے ساگر ملک
English rendering
Shikasta shab mein tumhaari wahshat ne sar uthaya to kya karo ge Tumhein tumhaare hi neem khwabon ne gar jagaya to kya karo ge Palak palak se chhalak rahi hai meri udaasi lahu ki soorat Magar udaasi ki baarishon ne tumhein rulaya to kya karo ge Hawa-e-zulm-o-sitam ne mera yeh khasta ghar to gira diya hai Inhi hawaaon ne gar tumhaara diya bujhaya to kya karo ge Firaaq-e-wahshat se tang ho kar palat bhi aao ae mere humdum Diyar-e-ulfat mein chalte chalte mujhe na paaya to kya karo ge Hamaari haalat pe muskura kar to chal diye ho magar ae jaanan Koi tumhaari jo be-basi par yun muskuraaya to kya karo ge Qafas pe chilman rakhi hui hai zehn mein uljhan padi hui hai Magar parindon ko jab junoon ne riha karaya to kya karo ge Chalo ye maana ke main bhi tera aseer-e-zulf-e-bala hua hoon lekin Kabhi jo qudrat ne mera daaman agar chhuraya to kya karo ge Mujhe to Saagar nikaal phenka hai zindagi ki haqeeqaton se Tumhein bhi lamhon ki tez-rau ne agar bahaya to kya karo ge Saagar Malik