نا معلوم

English rendering

Hum ne poora zor laga kar raqs kiya Sharm gayi to saamne aa kar raqs kiya Dunya maston ko be-ilm samajhti thi Hum ne phir Quran suna kar raqs kiya Jis ne hum ko rokna chaha naachne se Uski aankh se aankh mila kar raqs kiya Chhod diya machhli ko wapas darya mein Aur phir apna hijr mana kar raqs kiya Apni mitti goondhi apne ashkon se Apne chaak ko aap ghuma kar raqs kiya Tum ne sirf badan se us ko pooja hai Hum ne rooh ko saath mila kar raqs kiya Gori tujh ko khwahish de kar hum roye Saanwali tujh ko khwab dikha kar raqs kiya Ek maqam pe noor bhi jalne lagta hai Aur wahan par khaak ne ja kar raqs kiya Waham ko apne saamne la kar raqs kiya Ism pe ek tasveer saja kar raqs kiya Bulleh Shah ne dhol bajaya aur hum ne Bahoo ki nagri mein ja kar raqs kiya Holi kheli Peer Nizamuddin ke saath Aur Khusro ko saath nacha kar raqs kiya Ghaus qutb abdal mubarakain dene lage Qadri Chishti rang mila kar raqs kiya Yaar manane ki khatir sab naache hain Hum ne apna yaar mana kar raqs kiya Nadeem Bhabha