مجھ سے باتیں کرو زندگی
مجھ سے باتیں کرو زندگی تم بھی شطرنج ہو اور عجلت میں آگے بڑھایا ہوا ایک پیادہ ہوں میں وقت کی چال ہے اور کب کیوں کہاں کی بھی مہلت نہیں زندگی زندگی میں پریشان ہوں مٹھیوں سے سرکتی ہوئی ریت سے ریت ہی ریت ہےمیرے چاروں طرف اور کچھ بھی نہیں اور کوئی نہیں کوئی بھی تو نہیں جس کو سمجھا سکوں گرچہ بہتات قلت سے زیادہ بھی ہو پر وہ معصوم آنکھیں جو دہلیز سے جھانکتی رہ گئیں کچھ بھی ان کی کمی سے زیادہ نہیں یہ جو میں ہوں یہ میں تو نہیں تھا کبھی میں کوئی اور تھا ایک حساس دل جو محبت سے بھرپور تھا ان دنوں ان دنوں جب مجھے یہ بتایا گیا زندگی شاعری اور محبت نہیں زندگی دوڑ ہے دوڑ ورنہ برا وقت آ جائے گا مڑ کے بھی دیکھنے کہ اجازت نہیں مڑ کے دیکھا تو بے وقت مر جائے گا مجھ کو روندے ہوؤں کی مثالوں سے اتنا ڈرایا گیا اور تصور میں بچوں کے فاقوں کا منظر دکھایا گیا آج میں تھک گیا ہوں مگر دوڑ میں روندے جانے کے ڈر سے ٹھہرتا نہیں عمر کا یہ پہر اک پہر ہی ہے لیکن گزرتا نہیں وقت کہتی تھی دنیا، ٹھہرتا نہیں نیند کیا خواب کیا اب تو کچھ بھی نہیں آنکھیں ویران ہیں خوش گمانی بھی کیا اک گماں ہی تو ہے ایک سکہ جو دنیا میں چلتا نہیں اک سہولت جو دراصل حاصل نہیں دوڑنا ہے مگر کوئی منزل نہیں زندگی تو امیدوں کی محتاج ہے زندگی کل کی پرسوں کی کس کو خبر زندگی جو بھی ہے آج ہی آج ہے ختم ہو گا کبھی کیا کہیں یہ سفر یا یونہی دوڑتا جاؤں گا عمر بھر میں پریشان ہوں وقت کی چال سے اور کب کیوں کہاں کی بھی مہلت نہیں اس قدر خامشی ہے کہ دھڑکن کی آواز بھی شور ہے کوئی تو بات ہو خود کلامی سہی ان کہی ان سنی کتنی باتیں ہیں جو نارسائی کے دفتر میں محصور ہیں مجھ سے باتیں کرو زندگی
English rendering
Mujh se baatei'n karo zindagi Tum bhi shatranj ho Aur ujlat mei'n aage badhaya hua ek piyada hu'n mai'n Waqt ki chaal hai Aur kab kyu'n kaha'n ki bhi mohlat nahi'n Zindagi zindagi Mai'n pareshan hu'n Mutthiyo'n se sarakti hui ret se Ret hi ret hai mere charo'n taraf Aur kuch bhi nahi'n Aur koi nahi'n Koi bhi toh nahi'n Jis ko samjha saku'n Garchah behtaat qillat se zyada bhi ho Par woh masoom aankhei'n jo dehleez se jhaankti reh gayii'n Kuch bhi un ki kami se zyada nahi'n Yeh jo mai'n hu'n yeh mai'n toh nahi'n tha kabhi Mai'n koi aur tha Ek hassaas dil Jo mohabbat se bharpoor tha un dino'n Un dino'n jab mujhe yeh bataya gaya Zindagi shayari aur mohabbat nahi'n Zindagi daud hai Daud warna bura waqt aa jaayega Mud ke bhi dekhne ke ijazat nahi'n Mud ke dekha toh be-waqt mar jaayega Mujh ko ronde hu'o'n ki misalo'n se itna daraya gaya Aur tasawwur mei'n bachcho'n ke faaqo'n ka manzar dikhaya gaya Aaj mai'n thak gaya hu'n magar Daud mei'n ronde jaane ke dar se theherta nahi'n Umar ka yeh pehar Ek pehar hi hai lekin guzarta nahi'n Waqt kehti thi duniya, theherta nahi'n Neend kya khwab kya Ab toh kuch bhi nahi'n Aankhei'n veeran hai'n Khush gumani bhi kya Ek gumaan hi toh hai Ek sikka jo duniya mei'n chalta nahi'n Ek sahoolat jo dar-asal haasil nahi'n Daudna hai magar koi manzil nahi'n Zindagi toh ummeedo'n ki mohtaaj hai Zindagi kal ki parso'n ki kis ko khabar Zindagi jo bhi hai aaj hi aaj hai Khatm hoga kabhi kya kahi'n yeh safar Ya yu'n hi daudta jaau'n ga umar bhar Mai'n pareshan hu'n Waqt ki chaal se Aur kab kyu'n kaha'n ki bhi mohlat nahi'n Is qadar khamoshi hai ke dhadkan ki aawaz bhi shor hai Koi toh baat ho Khud kalaami sahi Un kahi un suni Kitni baatei'n hai'n jo Na rasai ke daftar mei'n mehsoor hai'n Mujh se baatei'n karo zindagi