تو کیا ہوا جو آپ کے ، شمار میں نہیں رہا
تو کیا ہوا جو آپ کے ، شمار میں نہیں رہا میں مختلف سا شخص تھا ہزار میں نہیں رہا یقین مانیے کہ جب سے آپ میرے ہو گئے تو یہ ہوا کہ ذائقہ، انار میں نہیں رہا فقط یہ آپ کا گلہ نہیں ہے میرے محترم ہمارے ساتھ جو رہا،،، قرار میں نہیں رہا مجھے بھی عشق ہو دعائیں مانگتا تھا، اور پھر میں دائرے میں آ گیاقطار میں نہیں رہا وہ سوکھ کر بتا مجھے خزاں سے کیا گلہ کرے درخت جو ہرا بھرابہار میں نہیں رہا کبھی تو تیس کو خوشی خوشی سے یہ بتاؤں گا میں اس مہینے دیکھ ماں! ادھار میں نہیں رہا شراب میں سرور کی تجھے سمجھ نہ آئے گی کہ تُو کسی کی آنکھ کے، خمار میں نہیں رہا کسی کے روٹھنے سے رنگ زرد پڑ گیا میرا وگرنہ دو گھڑی بھی میں بخار میں نہیں رہا ستارہ ہو یا اشک ہو یہ طے شدہ سی بات ہے وہ ٹوٹ کر گرے گا جو مدار میں نہیں رہا
English rendering
Tu kya hua jo aap ke, shumaar mein nahin raha Main mukhtalif sa shakhs tha hazaar mein nahin raha Yaqeen maaniye ke jab se aap mere ho gaye Toh yeh hua ke zaaiqa, anar mein nahin raha Faqat yeh aap ka gila nahin hai mere mohtaram Hamaare saath jo raha,,, qaraar mein nahin raha Mujhe bhi ishq ho duayen mangta tha, aur phir Main dayre mein aa gaya qataar mein nahin raha Woh sookh kar bata mujhe khizaan se kya gila kare Darakht jo hara bhara bahaar mein nahin raha Kabhi toh tees ko khushi khushi se yeh bataun ga Main iss mahine dekh maa! udhaar mein nahin raha Sharab mein suroor ki tujhe samajh na aaye gi Ke tu kisi ki aankh ke, khumaar mein nahin raha Kisi ke roothne se rang zard par gaya mera Wagarna do ghaRi bhi main bukhaar mein nahin raha Sitara ho ya ashk ho yeh tay shuda si baat hai Woh toot kar gire ga jo madaar mein nahin raha