کون ہے راجہ کون ہے رانی
کون ہے راجہ کون ہے رانی جھوٹی ہے سب پریم کہانی کیا کہئے اب پریم کہانی ہائے زمانہ ہائے جوانی حسن و جوانی دونوں فانی ایک فسانہ ایک کہانی تیری حقیقت راز ہی اب تک کس نے اپنی ذات ہی جانی کیا ہے باطن کیا ہے ظاہر کون ہے باقی کون ہے فانی امرت رس ہیں ان کی باتیں مدرا کا مدھ ان کی جوانی مدت گزری دل کو لٹائے کیا چھیڑیں اب بات پرانی مردہ دل میں کیوں آس آئے کیا دیں سوکھے دھان کو پانی جیسی گزری اچھی گزری کیا دہرائیں رام کہانی دے ہی دیا ناشادؔ انہیں دل تم نے کسی کی ایک نہ مانی
English rendering
Kaun hai raja, kaun hai rani Jhooti hai sab prem kahani Kya kahiye ab prem kahani Haye zamana, haye jawani Husn o jawani donon fani Ek fasana, ek kahani Teri haqeeqat raaz hi ab tak Kis ne apni zaat hi jaani Kya hai baatin, kya hai zahir Kaun hai baqi, kaun hai fani Amrit ras hain un ki baatein Madira ka madh un ki jawani Muddat guzri dil ko lutaye Kya chheRrein ab baat purani Murda dil mein kyun aas aaye Kya dein sookhe dhan ko paani Jaisi guzri achhi guzri Kya dohrayein Ram kahani De hi diya Nashad unhein dil Tum ne kisi ki ek na mani