بپھر اٹھا زباں سے جوں ہی نکلی بات بوسے کی
بپھر اٹھا زباں سے جوں ہی نکلی بات بوسے کی ادھر قلت محبت کی ادھر افراط بوسے کی میں جس کی سلطنت میں کاسہ برداری پہ راضی تھا اسی شہزادی نے جی بھر کے دی خیرات بوسے کی معافی کا تصور ہی نہیں اس کی شریعت میں کل اس نے انتقاماً مجھ پہ کی برسات بوسے کی زباں کا گرم بوسہ سیر جنت کی کرا لایا زمیں والو تمہیں معلوم کیا اوقات بوسے کی لبوں کے دونوں مصرعے لب سے موزوں کر کے دیکھے ہیں سمجھ میں یوں نہیں آئی ہیں معروضات بوسے کی تو اے حسن ازل تجھ سے اجازت چاہتا ہوں میں اجازت چاہتے ہیں اب مرے جذبات بوسے کی لبوں پر آخری اک مہر لگ جائے تو سو جاؤں وگرنہ ختم ہوگی ہی نہیں یہ بات بوسے کی
English rendering
Baphir utha zabaan se joon hi nikli baat bose ki Idhar qillat mohabbat ki idhar ifraat bose ki Main jis ki saltanat mein kaasah-bardari pe raazi tha Usi shehzadi ne ji bhar ke di khairaat bose ki Maafi ka tasavvur hi nahin uski shariat mein Kal us ne intiqaman mujh pe ki barsaat bose ki Zabaan ka garm bosa sair-e-jannat ki kara laya Zameen walo tumhein maloom kya auqaat bose ki Labon ke dono misre lab se mauzooN kar ke dekhe hain Samajh mein yoon nahin aayi hain ma'ruzaat bose ki To ae husn-e-azal tujh se ijazat chahta hoon main Ijazat chahte hain ab mere jazbaat bose ki Labon par aakhri ik mohar lag jaaye to so jaaoon Wagarna khatm hogi hi nahin ye baat bose ki