جنوں والے بالآخر شاہکاروں سے نکل آئے
جنوں والے بالآخر شاہکاروں سے نکل آئے سبھی شاہ جہاں اپنے مزاروں سے نکل آئے ہمیں سیلاب کا ڈر بستیوں سے کھینچ لایا تھا کئی آسیب شہروں کے کناروں سے نکل آئے میں کل رات اپنی ویرانی پہ رویا اس قدر رویا سبھی کھوئے ہوئے چہرے ستاروں سے نکل آئے نصابوں میں ہوئی ترمیم رنگوں پر شباب آیا نئے معنی پرانے اشتہاروں سے نکل آئے کسی کے ہاتھ آزادی کا پروانہ نہیں آیا بچا کر جان ہم تیمارداروں سے نکل آئے
English rendering
Junoon wale bilakhir shahkaaron se nikal aaye Sabhi Shah Jahan apne mazaaron se nikal aaye Humein sailaab ka dar bastiyon se kheench laya tha Kayee aaseeb shehron ke kinaaron se nikal aaye Main kal raat apni veerani pe roya is qadar roya Sabhi khoye hue chehre sitaaron se nikal aaye Nisabon mein hui tarmeem rangon par shabab aaya Naye maani purane ishtihaaron se nikal aaye Kisi ke haath azadi ka parwana nahin aaya Bacha kar jaan hum teemardaron se nikal aaye