قریب آ کہ ارادے لہو کے دیکھتے ہیں
قریب آ کہ ارادے لہو کے دیکھتے ہیں دہکتی آگ کو ہونٹھوں سے چھو کے دیکھتے ہیں ادھر اگاتی ہے فصلیں ادھر ڈبوتی ہے کرشمے ہم بھی تری آب جو کے دیکھتے ہیں انہیں ہو پروا ہی کیوں پیار کرنے والوں کی وہ حوصلے تو فقط جنگجو کے دیکھتے ہیں اک ایک کر کے گھروں کو جلائے جاتا ہے کرشمے روز کسی صلح خو کے دیکھتے ہیں ذرا سی دھوپ بدن کو گراں گزرتی ہے یہ لوگ خواب مگر رنگ و بو کے دیکھتے ہیں میں جانتا ہوں اذیت پسند لوگوں کو جو مسکرا کے مناظر لہو کے دیکھتے ہیں
English rendering
Qareeb aa ke iraday lahu ke dekhte hain Dahakti aag ko honton se chhoo ke dekhte hain Idhar ugaati hai faslein udhar duboti hai Karishmay hum bhi teri aab-e-joo ke dekhte hain Unhein ho parwah hi kyun pyar karne walon ki Woh hausle to faqat jangjoo ke dekhte hain Ek ek kar ke gharon ko jalaye jata hai Karishmay roz kisi sulh-khoo ke dekhte hain Zara si dhoop badan ko giraan guzarti hai Yeh log khwab magar rang-o-bu ke dekhte hain Main janta hoon aziyat pasand logon ko Jo muskura ke manazir lahu ke dekhte hain