سارے چقماق بدن آئے تھا تیاری سے
سارے چقماق بدن آئے تھا تیاری سے روشنی خوب ہوئی رات کی چنگاری سے ان درختوں کی اداسی پہ ترس آتا ہے لکڑیاں رنگ نہ دوں آگ کی پچکاری سے کوئی دعویٰ بھی نہیں کرتا مسیحائی کا ہم بھی آزاد ہوئے جاتے ہیں بیماری سے منہ لگایا ہی نہیں اسلحہ سازوں کو کبھی میں نے دنیا کو ہرایا بھی تو دل داری سے عشق بھی لوگ نمائش کے لیے کرتے ہیں کیا نمازیں بھی پڑھی جاتی ہیں عیاری سے سارا بازار چلا آیا ہے گھر میں پھر بھی باز آتے ہیں کہاں لوگ خریداری سے آخری نیند سے پہلے کہاں سمجھیں گے ہم خواب سے ڈرنا ضروری ہے کہ بیداری سے حسن جس چھاؤں میں بیٹھا تھا وہ قاتل تو نہ تھی جل گئے جسم نگاہوں کی شجرکاری سے کم سے کم میں تو مرید ان کا نہیں ہو سکتا جو پس رقص جنوں بیٹھے ہیں ہشیاری سے
English rendering
Saare chaqmaq badan aaye tha taiyari se Raushni khoob hui raat ki chingari se In darakhton ki udasi pe taras aata hai LakDiyan rang na dun aag ki pichkari se Koi da'wa bhi nahin karta maseehai ka Ham bhi azad hue jaate hain bimaari se Munh lagaya hi nahin aslah-sazon ko kabhi Main ne duniya ko haraya bhi to dildaari se Ishq bhi log numaish ke liye karte hain Kya namazein bhi paDhi jaati hain ayyari se Sara bazaar chala aaya hai ghar mein phir bhi Baaz aate hain kahan log kharidari se Aakhiri neend se pehle kahan samjhenge ham Khwab se Darna zaroori hai ke bedari se Husn jis chhaon mein baitha tha woh qatil to na thi Jal gaye jism nigahon ki shajar-kari se Kam se kam main to mureed un ka nahin ho sakta Jo pas-e-raqs-e-junoon baiThe hain hoshiyari se