دل کی منزل اس طرف ہے گھر کا رستہ اس طرف
دل کی منزل اس طرف ہے گھر کا رستہ اس طرف ایک چہرہ اس طرف ہے ایک چہرہ اس طرف روشنی کے استعارے اس کنارے رہ گئے اب تو شب میں کوئی جگنو ہے نا تارا اس طرف تم ہوا ان کھڑکیوں سے صرف اتنا دیکھنا اس نے کوئی خط کسی کے نام لکھا اس طرف یہ محبت بھی عجب تقسیم کے موسم میں ہے سارا جذبہ اس طرف ہے صرف لہجہ اس طرف ماں نے کوئی خوف ایسا رکھ دیا دل میں مرے سچ کبھی میں بول ہی پائی نہ پورا اس طرف ایک ہلکی سی چبھن احساس کو گھیرے رہی گفتگو میں جب تمہارا ذکر آیا اس طرف صرف آنکھیں کانچ کی باقی بدن پتھر کا ہے لڑکیوں نے کس طرح روپ دھارا اس طرف اے ہوا اے میرے دل کے شہر سے آتی ہوا تجھ کو کیا پیغام دے کر اس نے بھیجا اس طرف کس طرح کے لوگ ہیں یہ کچھ پتا چلتا نہیں کون کتنا اس طرف ہے کون کتنا اس طرف
English rendering
Dil ki manzil us taraf hai ghar ka raasta is taraf Ek chehra us taraf hai ek chehra is taraf Roshni ke iste'aare us kinare reh gaye Ab to shab mein koi jugnu hai na taara is taraf Tum hawa in khidkiyon se sirf itna dekhna Usne koi khat kisi ke naam likha is taraf Ye mohabbat bhi ajab taqseem ke mausam mein hai Saara jazba is taraf hai sirf lehja is taraf Maan ne koi khauf aisa rakh diya dil mein mere Sach kabhi main bol hi payi na poora is taraf Ek halki si chubhan ehsaas ko ghere rahi Guftugu mein jab tumhara zikr aaya is taraf Sirf aankhein kaanch ki baqi badan patthar ka hai Ladkiyon ne kis tarah roop dhaara is taraf Aye hawa aye mere dil ke shahar se aati hawa Tujhe kya paigham de kar usne bheja is taraf Kis tarah ke log hain ye kuch pata chalta nahin Kaun kitna is taraf hai kaun kitna is taraf