اداس شام کی ایک نظم
وصال رت کی یہ پہلی دستک ہی سرزنش ہے کہ ہجر موسم نے رستے رستے سفر کا آغاز کر دیا ہے تمہارے ہاتھوں کا لمس جب بھی مری وفا کی ہتھیلیوں پر حنا بنے گا تو سوچ لوں گی رفاقتوں کا سنہرا سورج غروب کے امتحان میں ہے ہمارے باغوں سے گر کبھی تتلیوں کی خوشبو گزر نہ پائے تو یہ نہ کہنا کہ تتلیوں نے گلاب رستے بدل لیے ہیں اگر کوئی شام یوں بھی آئے کہ جس میں ہم تم لگیں پرائے تو جان لینا کہ شام بے بس تھی شب کی تاریکیوں کے ہاتھوں تمہاری خواہش کی مٹھیاں بے دھیانیوں میں کبھی کھلیں تو یقین کرنا کہ میری چاہت کے جگنوؤں نے تمہارے ہاتھوں کے لمس تازہ کی خواہشوں میں بڑے گھنیرے اندھیرے کاٹے مگر یہ خدشے، یہ وسوسے تو تکلفاً ہیں جو بے ارادہ سفر پہ نکلیں تو یہ تو ہوتا ہے یہ تو ہوگا ہم اپنے جذبوں کو منجمد رائیگانیوں کے سپرد کر کے یہ سوچ لیں گے کہ ہجر موسم تو وصل کی پہلی شام سے ہی سفر کا آغاز کر چکا تھا
English rendering
Visal rut ki yeh pehli dastak hi sarzanish hai Ke hijr mausam ne raste raste safar ka aaghaz kar diya hai Tumhare haathon ka lams jab bhi meri wafa ki hatheliyon par hina bane ga Toh soch loon gi Rifaqaton ka sunhera suraj ghuroob ke imtihan mein hai Hamare baaghon se gar kabhi titliyon ki khushboo guzar na paaye toh yeh na kehna Ke titliyon ne gulab raste badal liye hain Agar koi shaam yun bhi aaye ke jis mein hum tum lagen paraye Toh jaan lena Ke shaam be-bas thi shab ki tareekiyon ke haathon Tumhari khwahish ki muthiyan be-dhiyanion mein kabhi khulein toh yaqeen karna Ke meri chahat ke jugnuon ne Tumhare haathon ke lams-e-taza ki khwahishon mein Bade ghanere andhere kaate Magar yeh khadshe, yeh waswase toh takallufan hi hain Jo be-irada safar pe niklein Toh yeh toh hota hai yeh toh hoga Hum apne jazbon ko munjamid raayganiyon ke supurd kar ke Yeh soch lein ge Ke hijr mausam toh wasl ki pehli shaam se hi Safar ka aaghaz kar chuka tha