عجب نہیں ہے معالج شفا سے مر جائیں — راکب مختار
شاعر
عجب نہیں ہے معالج شفا سے مر جائیں
عجب نہیں ہے معالج شفا سے مر جائیں
مریض زہر سمجھ کر دوا سے مر جائیں
یہ سوچ کر ہی ہمیں خود کشی ثواب لگی
جو کی ہے ماں نے تو پھر بد دعا سے مر جائیں
یہ احتجاج سمندر کے دم کو کافی ہے
کسی کنارے پہ دو چار پیاسے مر جائیں
فسادیوں کو میں اس شرط پر رہا کروں گا
کہ فاختہ کے پروں کی ہوا سے مر جائیں
تو اپنے لہجے کی رقت کو تھوڑا کم کر دے
فقیر ! لوگ نہ تیری صدا سے مر جائیں
اٹھا کے پھرتے ہیں ہم آپ صرف نام تو لیں
قسم سے آپ تو کاسے کی 'کا' سے مر جائیں
Ajab nahīñ hai mu'ālij shifā se mar jaayen
Ajab nahīñ hai mu'ālij shifā se mar jaayen
Marīz zehar samajh kar dawā se mar jaayen
Yeh soch kar hī hameñ khudkushī sawāb lagī
Jo kī hai maa'ñ ne to phir bad-du'ā se mar jaayen
Yeh ehtijāj samundar ke dam ko kāfī hai
Kisī kināre pe do chār piyāse mar jaayen
Fasādiyoñ ko maiñ is shart par rihā karūñgā
Ke fākhtah ke paroñ kī hawā se mar jaayen
Tu apne lahje kī riqqat ko thoṛā kam kar de
Faqeer! Log na terī sadā se mar jaayen
Uṭhā ke phirte haiñ ham, aap sirf naam to leñ
Qasam se aap to kaase kī 'kā' se mar jaayen
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں