بھائی بچھڑے تو بس ہچکیاں رہ گئیں — راکب مختار
شاعر
بھائی بچھڑے تو بس ہچکیاں رہ گئیں
بھائی بچھڑے تو بس ہچکیاں رہ گئیں
بین کرنے کو ماں جائیاں رہ گئیں
فاتحِ شہر خوش ہے کہ سب مر گئے
قصر میں صرف شہزادیاں رہ گئیں
منقسم یوں ہوا ترکہء ِ زندگی
میرے حصے میں بربادیاں رہ گئیں
ہو گیا خطہءِ دل میں سب کچھ فنا
چند مخصوص آبادیاں رہ گئیں
چھو نہ پائے کلائی کا کنگن بھی ہم
گال سے کھیلتی بالیاں رہ گئیں
کتنے زرقون خواہش میں تڑپے مگر
خالی خالی تری انگلیاں رہ گئیں
نیند میں اس نے پکڑا گریبان سے
آنکھ میں خواب کی دھجیاں رہ گئیں
قاتلوں میں کئی لوگ اپنے بھی تھے
میرے سینے میں کچھ برچھیاں رہ گئیں
Bhai bichhde to bas hichkiyan reh gayin
Bhai bichhde to bas hichkiyan reh gayin
Bain karne ko maan-jaaiyan reh gayin
Fatih-e-shahr khush hai ke sab mar gaye
Qasr mein sirf shehzadiyan reh gayin
Munqasim yun hua tarkah-e-zindagi
Mere hisse mein barbaadiyan reh gayin
Ho gaya khitta-e-dil mein sab kuch fana
Chand makhsus aabaadiyan reh gayin
Chhoo na paaye kalai ka kangan bhi hum
Gaal se khelti baaliyan reh gayin
Kitne zarqoon khwahish mein tadpe magar
Khali khali teri ungliyan reh gayin
Neend mein usne pakda gireban se
Aankh mein khwab ki dhajjiyan reh gayin
Qatilon mein kai log apne bhi the
Mere seene mein kuch barchhiyan reh gayin
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں