سفر کے نقشے میں چٹئیل زمیں بنائی گئی — راکب مختار
شاعر
سفر کے نقشے میں چٹئیل زمیں بنائی گئی
سفر کے نقشے میں چٹئیل زمیں بنائی گئی
کہ اس میں ایک بھی جھاڑی نہیں بنائی گئی
یہ سرحدیں تو بہت بعد میں بنیں پہلے
دلوں کی طرح کشادہ زمیں بنائی گئی
گھٹے گھٹے سے کئی دوست بھی تو رہنے ہیں
یہ سوچ کر ہی کھلی آستیں بنائی گئی
غزل غزل میں بڑا فرق ہے مرے بھائی
کہیں اتاری گئی ہے کہیں بنائی گئی
کسی نے رنگوں میں راکبؔ گلاب گوندھے نہیں
کسی سے شکل تمہاری نہیں بنائی گئی
Safar ke naqshe mein chatteel zameen banai gai
Safar ke naqshe mein chatteel zameen banai gai
Ke is mein ek bhi jhaadi nahi banai gai
Yeh sarhadein to bahut baad mein banin pehle
Dilon ki tarah kushada zameen banai gai
Ghute ghute se kai dost bhi to rehne hain
Yeh soch kar hi khuli aastin banai gai
Ghazal ghazal mein bada farq hai mere bhai
Kahin utari gai hai kahin banai gai
Kisi ne rangon mein Raqib gulab goondhe nahi
Kisi se shakal tumhari nahi banai gai
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں