بہت اداس فلک ہے زمیں پریشاں ہے — راکب مختار
شاعر
بہت اداس فلک ہے زمیں پریشاں ہے
بہت اداس فلک ہے زمیں پریشاں ہے
کہ ایک شخص ہمارا کہیں پریشاں ہے
بلا سبب تو نہیں آتے زلزلے اکثر
بھٹک گئے ہیں مسافر زمیں پریشاں ہے
کہاں مرے ہیں مجھے دھوکہ دینے والے دوست
بہت دنوں سے مری آستیں پریشاں ہے
دیے کی لو نے بتایا ہے تھرتھرا کے مجھے
چراغ بانٹنے والا کہیں پریشاں ہے
وضو میں دھویا ہے قاتل نے اپنے ہاتھ سے خوں
ہمارے طرزٍ عبادت سے دیں پریشاں ہے
میں اس کی مشکلیں آسان کرنے والا نہیں
مری غزل سے اگر نقطہ چیں پریشاں ہے
جہاں کے رنج و الم مجھ کو سونپنے والے
خبر ملی ہے کہ تو خوش نہیں پریشاں ہے
Bahut udās falak hai zamīn pareshān hai
Bahut udās falak hai zamīn pareshān hai
Ke ek shaḳhs hamārā kahīñ pareshān hai
Bilā sabab toh nahīñ aate zalzale aksar
Bhaṭak ga'e haiñ musāfir zamīn pareshān hai
Kahāñ mare haiñ mujhe dhokā dene wāle dost
Bahut dinoñ se mirī āstīñ pareshān hai
Diye kī lau ne batāyā hai thartharā ke mujhe
Charāgh bāñṭne wālā kahīñ pareshān hai
Wuzū meñ dhoyā hai qātil ne apne hāth se khooñ
Hamāre tarz-e-'ibādat se deen pareshān hai
Maiñ us kī mushkileñ āsān karne wālā nahīñ
Mirī ghazal se agar nuqta-chīñ pareshān hai
Jahāñ ke ranj-o-alam mujh ko sauñpne wāle
Khabar milī hai ke tu khush nahīñ pareshān hai
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں