بھٹک گیا تھا کسی آنکھ میں قیام سے میں — راکب مختار
شاعر
بھٹک گیا تھا کسی آنکھ میں قیام سے میں
بھٹک گیا تھا کسی آنکھ میں قیام سے میں
نکل سکا نہ کبھی میکدے کی شام سے میں
وہ بات بات میں دنیا کی بات کرتا ہے
کلام کیسے کروں ایسے بد کلام سے میں
خدا کرے مجھے مرنے کا ڈھنگ آ جائے
گلا رکھوں ترے خنجر پہ احترام سے میں
بوقت جنگ یہ پیاسا پکڑ میں آیا تھا
طلب کروں گا نہ پانی کبھی غلام سے میں
یہ رات دن کے حوالے بھی اپنا شجرہ ہیں
تو اجلی صبح سے ہے اور گہری شام سے میں
معافی مانگنے والوں کو قتل کیوں نہ کیا
یہ بات کہہ کے نکالا گیا خیام سے میں
یہاں وہاں سے مرے ٹکڑے دوڑ کر آتے
اگر پکارا گیا ہوتا تیرے نام سے میں
BhaTak gaya tha kisi aankh mein qayaam se main
BhaTak gaya tha kisi aankh mein qayaam se main
Nikal saka na kabhi maikade ki shaam se main
Wo baat baat mein duniya ki baat karta hai
Kalaam kaise karoon aise bad-kalaam se main
Khuda kare mujhe marne ka Dhang aa jaaye
Gala rakhoon tere khanjar pe ehtemaam se main
Ba-waqt-e-jang ye pyaasa pakaR mein aaya tha
Talab karoon ga na paani kabhi ghulaam se main
Ye raat din ke hawale bhi apna shajra hain
Tu ujli subh se hai aur gehri shaam se main
Maafi maangne walon ko qatl kiyoon na kiya
Ye baat keh ke nikala gaya khiyaam se main
Yahan wahan se mere TukRe dauR kar aate
Agar pukaara gaya hota tere naam se main
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں