دل میں وہ ٹیس اٹھے درد پہ قابو نہ رہے — راکب مختار
شاعر
دل میں وہ ٹیس اٹھے درد پہ قابو نہ رہے
دل میں وہ ٹیس اٹھے درد پہ قابو نہ رہے
پاس کس کس کو بٹھایا ترا پہلو نہ رہے
خوں کی ترسیل میں دقت کا سبب بنتی ہو
جو بھی رہتا ہے رہے دل میں مگر تو نہ رہے
میری خواہش ہے کہ ہر خار میں نرماہٹ ہو
اس کی ضد ہے کہ گلابوں میں بھی خوشبو نہ رہے
شام ڈھلتے ہی مرے دکھ میں اضافہ کرنے
تو بھی آ جاتی ہے کوئل تری کو کو نہ رہے
حکم_ہجرت پہ عمل مجھ سے بھی پہلے کیا ہے
اپنا گھر چھوڑ دیا آنکھ میں آنسو نہ رہے
وقت نے چھین لۓ لمس کے سارے اسباب
چاند چہرے نہ رہے ریشمی بازو نہ رہے
Dil mein wo Tees uThe dard pe qaabu na rahe
Dil mein wo Tees uThe dard pe qaabu na rahe
Paas kis kis ko biThaya tera pehlu na rahe
Khoon ki terseel mein diqqat ka sabab banti ho
Jo bhi rehta hai rahe dil mein magar tu na rahe
Meri khwahish hai ke har khaar mein narmahat ho
Us ki zid hai ke gulaabon mein bhi khushboo na rahe
Shaam Dhalte hi mere dukh mein izafa karne
Tu bhi aa jaati hai koel teri koo koo na rahe
Hukum-e-hijrat pe amal mujh se bhi pehle kiya hai
Apna ghar chhoR diya aankh mein aansoo na rahe
Waqt ne chheen liye lams ke saare asbaab
Chaand chehre na rahe reshmi baazu na rahe
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں