ہوۓ تھے بین فضا میں نمی بکھر گئ تھی — راکب مختار
شاعر
ہوۓ تھے بین فضا میں نمی بکھر گئ تھی
ہوۓ تھے بین فضا میں نمی بکھر گئ تھی
جب ایک کونج کسی ڈار سے بچھڑ گئ تھی
کسی نے بیٹی سمجھ کر جو سر پہ ہاتھ رکھا
تو نوجوان بھکارن خوشی سے مر گئ تھی
بس ایک پھول کھلا تھا عرب کے صحرا میں
فضاۓ دہر کئ خوشبوؤں سے بھر گئ تھی
میں اپنے رنگ میں ثروت کو گنگنا رہا تھا
اور عین وقت پہ اک ریل بھی گزر گئ تھی
غم_معاش نے تقسیم کر دیا شاعر
تمہاری شکل مرے ذہن سے اتر گئ تھی
میں اس کی قبر پہ کچھ اشک چھوڑ آیا ہوں
جو خاص لڑکی محبت کو عام کر گئ تھی
Hue the bain fiza mein nami bikhar gai thi
Hue the bain fiza mein nami bikhar gai thi
Jab ek koonj kisi daar se bichhad gai thi
Kisi ne beti samajh kar jo sar pe haath rakha
To naujawan bhikaran khushi se mar gai thi
Bas ek phool khila tha Arab ke Sehra mein
Fiza-e-dahar kai khushboo'on se bhar gai thi
Main apne rang mein sarwat ko gunguna raha tha
Aur ain waqt pe ek rail bhi guzar gai thi
Gham-e-ma'aash ne taqseem kar diya sha'er
Tumhari shakl mere zehan se utar gai thi
Main us ki qabr pe kuchh ashk chhod aaya hoon
Jo khaas ladki mohabbat ko aam kar gai thi
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں