جوان بیوہ کی آہوں کے استعارے تھے

جوان بیوہ کی آہوں کے استعارے تھے
ہواۓ شام کے جھونکے نہیں تھے آرے تھے
دلاسہ دیتے ہوے لوگ کیا سمجھ پاتے
ہم ایک شخص نہیں کائنات ہارے تھے
مرے کریم کھلی آنکھ سے گزار کبھی
وہ قافلے جو مرے خواب سے گزارے تھے
یہ اور بات کہ پیاسے کی پیاس لے ڈوبی
فرات نے تو بڑے ہاتھ پاؤں مارے تھے
ہمارے پیار کی تفصیل پوچھنے والو
ہم ایک باہمی دریا کے دو کنارے تھے
پھر ایک دن میں منافق بنا تو یار بنے
وگرنہ جان کے دشمن تو ڈھیر سارے تھے

Jawaan bewa ki aahon ke ista'aare the

Jawaan bewa ki aahon ke ista'aare the
Hawa-e-shaam ke jhonke nahin the aare the
Dilasa dete hue log kya samajh paate
Hum ek shakhs nahin kayenat haare the
Mere Kareem khuli aankh se guzaar kabhi
Wo qaafle jo mere khwaab se guzaare the
Ye aur baat ke pyaase ki pyaas le doobi
Furaat ne to baRe haath paon maare the
Hamare pyaar ki tafseel poochhne walo
Hum ek baahami darya ke do kinaare the
Phir ek din main munaafiq bana to yaar bane
Wagarna jaan ke dushman to Dher saare the

شاعر کے بارے میں

بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے

مکمل تعارف پڑھیں

جوان بیوہ کی آہوں کے استعارے تھے — راکب مختار

شاعر