خوف خسارہ مجھ کو نہ کل تھا نہ آج ہے — راکب مختار
شاعر
خوف خسارہ مجھ کو نہ کل تھا نہ آج ہے
خوف خسارہ مجھ کو نہ کل تھا نہ آج ہے
بس دل پہ ایک راجکماری کا راج ہے
اے دوست احتیاط برت جتنا ہو سکے
ویسے منافقت کا مرض لا علاج ہے
لے ختم ہو گیا ہے ترا شکوہء گھٹن
اب آستیں پہ کوئی بٹن ہے نہ کاج ہے
وہ بادشاہ مولا علی کا غلام تھا
خیرات کی جگہ مرے کاسے میں تاج ہے
ہم دختر عدو کو بھی بیٹی سمجھتے ہیں
یہ بات صرف بات نہیں ہے رواج ہے
Khauf-e-khasara mujh ko na kal tha na aaj hai
Khauf-e-khasara mujh ko na kal tha na aaj hai
Bas dil pe ek rajkumari ka raaj hai
Ae dost ehtiyat barat jitna ho sake
Waise munafiqat ka marz la-ilaaj hai
Le khatm ho gaya hai tera shikwa-e-ghutan
Ab aasteen pe koi button hai na kaaj hai
Woh badshah Maula Ali ka ghulam tha
Khairat ki jagah mere kaase mein taaj hai
Hum dukhtar-e-adu ko bhi beti samajhte hain
Yeh baat sirf baat nahin hai riwaaj hai
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں