پہنچ گیا وہ جب ہوس کے آخری مقام پر — راکب مختار
شاعر
پہنچ گیا وہ جب ہوس کے آخری مقام پر
پہنچ گیا وہ جب ہوس کے آخری مقام پر
جھپٹ پڑا حلال زادہ خوبرو حرام پر
یہ کس کے پاس میکدوں کا انتظام آ گیا
شراب رند مانگنے لگے خدا کے نام پر
ادھر طوائفوں میں کھو گیا ہے شاہ سلطنت
ادھر مری پڑی ہیں شاہ زادیاں غلام پر
تمام دوست پنسلوں سے لیس ہو کے آئے تھے
سبھی نے حاشیہ لگا دیا ہے میرے نام پر
یہ سوچ کر کہ گھر کے پنچھیوں کو کیا جواب دوں
نہیں گیا شکاریوں کی دعوت طعام پر
ہم اس کی آنکھیں چومنے کے جرم میں سزا ہوئے
جو آنکھ رکھ کے بیٹھا ہے ہمارے صبح و شام پر
ٹپک رہی ہے روشنی حسین خدوخال سے
وہ رات اوڑھ کے نکل رہی ہے اپنے کام پر
وہ داد تک وصول کر سکا نہ اپنے کرب کی
کہانی کار مر گیا پہنچ کے اختتام پر
Puhanch gaya wo jab havas ke aakhri muqaam par
Puhanch gaya wo jab havas ke aakhri muqaam par
JhapaT paRa halaal zaada khoob ro haraam par
Ye kis ke paas maikadon ka intezaam aa gaya
Sharaab rind maangne lage Khuda ke naam par
Idhar tawaifon mein kho gaya hai shah-e-saltanat
Idhar meri paRi hain shahzadiyaan ghulaam par
Tamaam dost pencils se lais ho ke aaye the
Sabhi ne haashiya laga diya hai mere naam par
Ye soch kar ke ghar ke panchi'on ko kya jawab doon
Nahin gaya shikaariyon ki daawat-e-ta'aam par
Hum us ki aankhen choomne ke jurm mein saza hue
Jo aankh rakh ke baitha hai hamare subh-o-shaam par
Tapak rahi hai roshni haseen khad-o-khaal se
Wo raat oRh ke nikal rahi hai apne kaam par
Wo daad tak vasool kar saka na apne karb ki
Kahaani kaar mar gaya puhanch ke ikhtetaam par
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں