شبوں کے دیس میں ہم کس بنا پہ ڈٹ جاتے — راکب مختار
شاعر
شبوں کے دیس میں ہم کس بنا پہ ڈٹ جاتے
شبوں کے دیس میں ہم کس بنا پہ ڈٹ جاتے
جہاں چراغ جلانے پہ ہاتھ کٹ جاتے
کلائی کاٹ کے سوئی ہے چین سے لڑکی
اگر نہ کاٹتی دو خاندان کٹ جاتے
خوشی سے پھول گئے تھے یہ بھول کرتے ہوئے
اگر اداس نہ ہوتے تو لوگ پھٹ جاتے
وہ خشک لب جو تھرکتے تو مختلف پانی
سمندروں سے بھی دریاوں میں پلٹ جاتے
خدا بدن نہیں رکھتا وگرنہ یہ عاصی
جہاں بھی دیکھتے بے ساختہ لپٹ جاتے
تڑپ تڑپ کے بگاڑی ہے ہم نے لاش اپنی
تو کاٹتا تو بڑی عمدگی سے کٹ جاتے
Shaboon ke des mein hum kis bina pe DaT jaate
Shaboon ke des mein hum kis bina pe DaT jaate
Jahan chiraagh jalaane pe haath kaT jaate
Kalai kaaT ke soyi hai chain se laRki
Agar na kaaTti do khandaan kaT jaate
Khushi se phool gaye the ye bhool karte hue
Agar udaas na hote to log phaT jaate
Wo khushk lab jo thirakte to mukhtalif paani
Samundaron se bhi daryaon mein palaT jaate
Khuda badan nahin rakhta wagarna ye aasi
Jahan bhi dekhte be-saakhta lipaT jaate
TaRap TaRap ke bigaaRi hai hum ne laash apni
Tu kaaTta to baRi umdagi se kaT jaate
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں