یہ دستور زمانہ ہے، زمانہ چھوڑ دیتا ہے
یہ دستور زمانہ ہے، زمانہ چھوڑ دیتا ہے جو اس سے دل لگائے، دل لگانا چھوڑدیتا ہے یہاں ہر خوبرو محبوب کا بس مشغلہ یہ ہے بنا کر خوبصورت سا بہانہ چھوڑ دیتا ہے مصیبت میں تعلق توڑنا انساں کا شیوہ ہے ذرا سیلاب آئے، گھر پرانا چھوڑ دیتا ہے مرے اندر بھی ہے سہما ہوا معصوم سا بچہ کسی پر ظلم دیکھے، مسکرانا چھوڑ دیتا ہے وہ ہر اک امتحان میں کامیاب و کامراں ہوگا جو مشکل وقت میں سر کو جھکانا چھوڑدیتا ہے
English rendering
Yeh dastoor zamana hai, zamana chhod deta hai Jo us se dil lagaye, dil lagana chhod deta hai Yahan har khoob-roo mehboob ka bas mashghala yeh hai Bana kar khoobsurat sa bahana chhod deta hai Musibat mein talluq todna insaan ka shaiwa hai Zara sailaab aaye, ghar purana chhod deta hai Mere andar bhi hai sehma hua masoom sa bachcha Kisi par zulm dekhe, muskurana chhod deta hai Woh har ek imtihan mein kamyab o kamran hoga Jo mushkil waqt mein sar ko jhukana chhod deta hai