بیٹھے ہیں چین سے کہیں جانا تو ہے نہیں
بیٹھے ہیں چین سے کہیں جانا تو ہے نہیں ہم بے گھروں کا کوئی ٹھکانا تو ہے نہیں تم بھی ہو بیتے وقت کے مانند ہو بہو تم نے بھی یاد آنا ہے آنا تو ہے نہیں عہد وفا سے کس لیے خائف ہو میری جان کر لو کہ تم نے عہد نبھانا تو ہے نہیں وہ جو ہمیں عزیز ہے کیسا ہے کون ہے کیوں پوچھتے ہو ہم نے بتانا تو ہے نہیں دنیا ہم اہل عشق پہ کیوں پھینکتی ہے جال ہم نے ترے فریب میں آنا تو ہے نہیں وہ عشق تو کرے گا مگر دیکھ بھال کے فارسؔ وہ تیرے جیسا دوانہ تو ہے نہیں
English rendering
Baithe hain chain se kahin jaana to hai nahin Hum be-gharon ka koi thikana to hai nahin Tum bhi ho beete waqt ke manind ho bahoo Tum ne bhi yaad aana hai, aana to hai nahin Aahd-e-wafa se kis liye khaif ho meri jaan Kar lo ke tum ne ahd nibhana to hai nahin Woh jo humein azeez hai kaisa hai kaun hai Kyon poochte ho hum ne batana to hai nahin Duniya hum ahl-e-ishq pe kyon phenkti hai jaal Hum ne tere fareb mein aana to hai nahin Woh ishq to kare ga magar dekh bhaal ke Faaris! woh tere jaisa deewanah to hai nahin