پہنچ سے دُور چمکتا سراب یعنی تُو
پہنچ سے دُور چمکتا سراب یعنی تُو مجھے دکھایا گیا ایک خواب یعنی تُو مَیں جانتا ھوں ببُول اور گلاب کے معنی ببُول یعنی زمانہ ، گلاب یعنی تُو جمالیات کو پڑھنے کا شوق تھا ، سو مجھے عطا ھوا ھے مکمل نصاب یعنی تُو کہاں یہ ذرّہء تاریک بخت یعنی مَیں کہاں وہ نُور بھرا ماھتاب یعنی تُو بدل گئی ھے بہت مملکت مرے دِل کی کہ آگیا ھے یہاں انقلاب یعنی تُو ھر اِک غزل کو سمجھنے کا وقت ھے نہ دماغ مجھے بہت ھے فقط انتخاب یعنی تُو کبھی تو میرے اندھیروں کو روشنی دے گا گریز کرتا ھوا ماھتاب یعنی تُو اِدھر ھے کوہ کنِ دشتِ عشق یعنی مَیں اُدھر ھے حُسنِ نزاکت مآب یعنی تُو اُجاڑ گُلشنِ دل کو بڑی دعاوں کے بعد ھوا نصیب گُلِ باریاب یعنی تُو بہت طویل سہی داستانِ دل ، لیکن بس ایک شخص ھے لُبِّ لباب یعنی تُو کبھی کبھی نظر آتا ھے دشتِ ھجراں میں جنُوں کی پیاس بڑھاتا سراب یعنی تُو چکھے بغیر ھی جس کا نشہ مُسلسل ھے مجھے بہم ھے اِک ایسی شراب یعنی تُو کوئی سوال ھے جس کو جواب مِلتا نہیں سوال یعنی کہ فارس ، جواب یعنی تُو
English rendering
Pahunch se door chamakta saraab yaani tu Mujhe dikhaya gaya ek khwab yaani tu Main jaanta hoon babool aur gulaab ke ma'ani Babool yaani zamana, gulaab yaani tu Jamaliyat ko padhne ka shauq tha, so mujhe Ata hua hai mukammal nisaab yaani tu Kahaan yeh zarra-e-tareek bakht yaani main Kahaan woh noor bhara mahtab yaani tu Badal gayi hai bohat mamlakat mere dil ki Ke aa gaya hai yahan inqilaab yaani tu Har ik ghazal ko samajhne ka waqt hai na dimagh Mujhe bohat hai faqat intekhab yaani tu Kabhi toh mere andheron ko roshni de ga Gurez karta hua mahtab yaani tu Idhar hai koh-kan-e-dasht-e-ishq yaani main Udhar hai husn-e-nazakat-ma'aab yaani tu Ujaad gulshan-e-dil ko badi duaon ke baad Hua naseeb gul-e-bariyaab yaani tu Bohat taweel sahi daastaan-e-dil, lekin Bas ek shakhs hai lubb-e-lubab yaani tu Kabhi kabhi nazar aata hai dasht-e-hijraan mein Junoon ki pyaas badhata saraab yaani tu Chakhe baghair hi jis ka nasha musalsal hai Mujhe baham hai ik aisi sharaab yaani tu Koi sawaal hai jis ko jawaab milta nahin Sawaal yaani ke Faris, jawaab yaani tu