روشنی آنے دو دیوار کو در ہونے دو
روشنی آنے دو دیوار کو در ہونے دو سحر شب ٹوٹنے دو نور سحر ہونے دو ایک پتھر پہ نہ ضائع کرو برسات اپنی صدف چشم میں اشکوں کو گہر ہونے دو دل ہو دریا تو تموج اسے راس آتا ہے روز پیدا مرے دریا میں بھنور ہونے دو کبھی پندار نے دی بات نہ بننے اب کے گفتگو اس سے بہ انداز دگر ہونے دو ڈالنے دو مجھے اشیا کی حقیقت پہ نظر نیست ہوتا ہے جو خوابوں کا نگر ہونے دو
English rendering
Roshni aane do deewar ko dar hone do Sehar-e-shab tootne do noor-e-sehar hone do Ek patthar pe na zaya karo barsaat apni Sadaf-e-chashm mein ashkon ko gohar hone do Dil ho darya to tamaujj use raas aata hai Roz paida mere darya mein bhanwar hone do Kabhi pindaar ne di baat na banne ab ke Guftugu us se ba-andaz-e-digar hone do Daalne do mujhe ashya ki haqeeqat pe nazar Neest hota hai jo khwabon ka nagar hone do