آنکھ کی یہ ایک حسرت تھی کہ بس پوری ہوئی
آنکھ کی یہ ایک حسرت تھی کہ بس پوری ہوئی آنسوؤں میں بھیگ جانے کی ہوس پوری ہوئی آ رہی ہے جسم کی دیوار گرنے کی صدا اک عجب خواہش تھی جو اب کے برس پوری ہوئی اس خزاں آثار لمحے کی حکایت ہے یہی اک گل نا آفریدہ کی ہوس پوری ہوئی آگ کے شعلوں سے سارا شہر روشن ہو گیا ہو مبارک آرزوئے خار و خس پوری ہوئی کیسی دستک تھی کہ دروازے مقفل ہو گئے اور اس کے ساتھ روداد قفس پوری ہوئی
English rendering
Aankh ki yeh ek hasrat thi ke bas poori hui Aansuon mein bheeg jaane ki hawas poori hui Aa rahi hai jism ki deewar girne ki sada Ek ajab khwahish thi jo ab ke baras poori hui Is khizan-asar lamhe ki hikayat hai yahi Ek gul-e-na-aafareeda ki hawas poori hui Aag ke sholon se saara shehr roshan ho gaya Ho mubarak aarzoo-e-khar-o-khas poori hui Kaisi dastak thi ke darwaze muqaffal ho gaye Aur us ke saath roodad-e-qafas poori hui