شہریار

English rendering

Zard balbon ke baazuon mein aseer Sakht bejaan lambi kaali sadak Apni be-noor dhundli aankhon se Padh rahi hai nawishta-e-taqdeer Band kamron ke ghup andheron mein Billiyan pee rahi hain doodh ke jaam Hotlon, cinema gharon ke qareeb Chamchamati hui nayi carain Aur panwaariyon ki dukanain Aur kuch tolliyan faqeeron ki Parse walon ke intizaar mein hain Adh-phate postron ke pairaahan Aahni buildings ke jismon par Kitne dilkash dikhayi dete hain Bus ki be-his nashiston par baithi Din ke bazaar se khareedi hui Aarzoo, gham, ummeed, mehroomi Neend ki goliyan, gulaab ke phool Kele, amrud, santre, chaawal Paint, gudiya, kameez, chuhe-daan Ek ek shai ka kar rahi hai hisaab Ahd-e-Haazir ki dilruba makhlooq!