دھوپ کے دشت میں بے سایہ شجر میں ہم تھے
دھوپ کے دشت میں بے سایہ شجر میں ہم تھے منہمک پھر بھی سرابوں کے سفر میں ہم تھے منتشر کر چکی آندھی تو یہ معلوم ہوا اک بگولے کی طرح ریت کے گھر میں ہم تھے تیری آواز کے جادو نے خبردار کیا نا سمجھ تھے کہ بلاؤں کے اثر میں ہم تھے تا نہ شاکی رہے دریائے ہوس کی کوئی موج بادباں جسم کے کھولے کہ بھنور میں ہم تھے یہ ترے قرب کا اعجاز ہے ورنہ پہلے طاق اتنے کہاں جینے کے ہنر میں ہم تھے
English rendering
Dhoop ke dasht mein be-saya shajar mein hum the Munhamik phir bhi saraabon ke safar mein hum the Muntashir kar chuki aandhi to ye maloom hua Ek bagule ki tarah ret ke ghar mein hum the Teri aawaaz ke jaadu ne khabardar kiya Na-samajh the ke balaaon ke asar mein hum the Ta na shaaki rahe darya-e-hawas ki koi mauj Baadbaan jism ke khole ke bhanwar mein hum the Yeh tere qurb ka eijaz hai warna pehle Taaq itne kahan jeene ke hunar mein hum the